"Ana və uşaq sağlamlığı: mövcud problemlərə müasir baxış” mövzusunda beynəlxalq elmi konqres keçiriləcək

27-28 noyabr 2023-cü il tarixində Dövlət Gömrük Komitəsinin Tibbi Xidmət İdarəsinin Elmi Təcrübi və Tədris Mərkəzinin və Mərkəzi Gömrük Hospitalının birgə təşkilatçılığı, Mərkəzi Gömrük Hospitalının rəsmi tərəfdaşı Florence Nightingale Xəstəxanalar Qrupunun, “Humana” və “World Medicine” şirkətlərinin dəstəyi ilə Ümummilli lider Heydər Əliyevin 100 illik yubileyinə həsr edilmiş "Ana və Uşaq sağlamlığı: mövcud problemlərə müasir baxış” mövzusunda Beynəlxalq Elmi Konqres həyata keçiriləcəkdir.

Konqresin 27 noyabr tarixində mama-ginekologiyaya dair, 28 noyabr tarixində isə neonatologiya və pediatriyaya dair aktual mövzuların müzakirəsi həyata keçiriləcəkdir. Konqresdə Azərbaycan, Türkiyə və İngiltərədən olan yüksəkixtisaslı mütəxəssislərin təqdimatları dinləniləcək və auditoriyanı maraqlandıran suallar cavablandırılacaq.

Konqresin 27 noyabr tarixində mama-ginekoloq və uroloq, 28 noyabr tarixində isə neonatoloq, pediatr, uşaq cərrahı, ürək-damar cərrahı, kardioloq, toksikoloq, allerqoloq və anestezioloq-reanimatoloq ixtisasına malik həkim və rezidentlər iştirak edə bilər.

Konqres əyani olaraq Bakı şəhərində Badamdar Oteldə, distant olaraq isə ZOOM platformasında həyata keçiriləcəkdir.

Konqres çərivəsində eyni zamanda 27 noyabr tarixində pediatr və neonatoloqlar üçün "Doğum zalında neonatal reanimasiya", 28 noyabr tarixində isə mama-ginekoloqlar üçün "Kolposkopiya" kursu həyata keçiriləcəkdir.

Kurslar əyani olaraq İngiltərədən və Türkiyədən olan yüksəkixtisaslı mütəxəssislər tərəfindən nəzəri və praktiki hissələrdən ibarət olmaqla təşkil ediləcəkdir.

Kurslar Mərkəzi Gömrük Hospitalında göstərilən tarixlərdə saat 14:00-dan18:00-dək həyata keçiriləcək.

Konqresdə və kurslarda iştirak ödənişsizdir.

Tədbirin akreditasiya edilməsi üçün Səhiyyə Nazirliyinə müraciət edilmişdir.

Yerlər məhdud olduğu üçün qeydiyyatdan keçmək mütləqdir.

Proqramla tanış olmaq üçün link: https://customshospital.az/.../uploads/2023/11/proqram.pdf

Konqres üçün qeydiyyat linki: https://forms.gle/6Mp9JV7DxqTrgxb28

Kurslar üçün qeydiyyat linki: https://forms.gle/XRz5n1UsTL21XorT8