Azərbaycan Respublikasının Gənclər Fondunun dəstəyi ilə Azərbaycan Tələbə Gənclər Təşkilatları İttifaqı tərəfindən 2 fevral Gənclər Gününə həsr olunmuş Tələbə Gənclər Təşkilatlarının "ReBrend" Forumu keçirilib.
Rəsmi və qeyri-rəsmi hissədən ibarət olmaqla 120 nəfər tələbənin iştirak etdiyi Forumun keçirilməsində əsas məqsəd TGT-lərin uzunmüddətli PR strategiyasının müəyyən olunması, inkişaf üçün düzgün planlanma aparılmasına dəstək olmaq idi.
Tədbir ATGTİ-nin baş katibi Orduxan Qəhrəmanzadənin moderatorluğu ilə açıq elan edildikdən sonra dövlət himnimiz səsləndirilib, şəhidlərimizin əziz xatirəsi yad edilib. Daha sonra ATGTİ-nin sədri Pərviz Mirələmli, Bakı Dövlət Universitetinin prorektoru Fərda İmanov və Azərbaycan Respublikası Gənclər və İdman Nazirliyinin əməkdaşı Elnur Abdullayevin iştirakı ilə “Tələbə Gənclər Təşkilatlarının qarşısındakı hədəflər və gözləntilər” mövzusunda tələbələrlə panel görüş keçirilib. Rəsmi hissə müxtəlif nominasiyalar üzrə TGT-lərin, TGT sədrlərinin və aktiv üzvlərin mükafatlanması ilə yekunlaşıb.
Qeyri-rəsmi hissədə yeni konsept və PR strategiyaları təqdim edilib, PR mütəxəssislərinin iştirakı panel görüş və interaktiv təlim sessiyası baş tutub. Belə ki, Azərbaycan Dövlət Reklam Agentliyinin Strateji inkişaf və kommunikasiya şöbəsinin müdiri Elçin Mahir, Azərbaycan Respublikasının Medianın İnkişafı Agentliyinin Kommunikasiya şöbəsinin müdiri Səidə Şəfiyeva, DOST Agentliyinin İctimaiyyətlə əlaqələr və kommunikasiya departamentinin rəhbəri Şahin Əliyev, “Nar"ın İctimaiyyətlə əlaqələr şöbəsinin rəhbəri Əziz Axundov və ADA Universiteti və İnkişaf və Diplomatiya İnstitutunun İctimaiyyətlə Əlaqələr, Marketinq və Kommunikasiya üzrə meneceri Şəbnəm Məhərrəmovanın iştirakı ilə “Müasir dövrün çağırışlarına cavab verən PR strategiyaları" mövzusunda baş tutmuş növbəti panel müzakirədə tələbələr müvafiq mövzu ilə əlaqədar suallarına cavab tapıb. Sonda “İşgüzar yazışmada səmərəli metodlar” mövzusunda işçi qruplar çərçivəsində təlim və breynstorminq keçirilib.
İl ərzində ölkənin ictimai-sosial həyatına verdiyi töhfəyə və aktiv fəaliyyətinə görə “İlin Tələbə Gənclər Təşkilatı” adına layiq görülən Naxçıvan Dövlət Universiteti TGT-sinin sədri Əziz Qasımov Forum haqqında öz fikirlərini bölüşüb:
“Forumda Tələbə Gənclər Təşkilatlarının yeni çağırışlar fonunda daha aktiv fəaliyyət göstərməsi üçün bir neçə panel müzakirələr oldu. Düşünürəm ki, bundan sonrakı mərhələlərdə öyrəndiklərimiz yerlərdə düzgün tətbiq olunacaq. Forum həmçinin Tələbə Gənclər Təşkilatlarının fəaliyyətlərinin qiymətləndirilməsi baxımından da bizim üçün maraqlı idi. “İlin TGT-si” adı ilə təltif olunduğumuz üçün xoşbəxtik.”
“İlin Tələbə Gənclər Təşkilatı” adına layiq görülən Azərbaycan Texniki Universiteti TGT-sinin sədri Eyvaz Məhəmmədli də öz düşüncələrini bölüşüb:
“Hesab edirəm ki, TGT-lərin düzgün kommunikasiya qurması istiqamətində bu kimi tədbirlərin keçirilməsi biz gənclərin inkişafı üçün çox faydalı və əhəmiyyətlidir. Bizim üçün xüsusi önəmli bir məqamı da qeyd etmək istərdim. “ReBrend” Forumunda Azərbaycan Texniki Universitetinin Tələbə Gənclər Təşkilatı olaraq “İlin TGT-si” adına layiq görüldük. Bu bizi çox sevindirdi, eyni zamanda məsuliyyətimizi daha da artırdı. Qarşıda bizi gözləyən hədəflərimiz var. Gənclərlə birgə hədəflərimizə çatacağımıza inanırıq. Bir daha diqqət üçün ATGTİ-yə təşəkkür edirik.”
03 Comments
High Life tempor retro Truffaut. Tofu mixtape twee, assumenda quinoa flexitarian aesthetic artisan vinyl pug. Chambray et Carles Thundercats cardigan actually, magna bicycle rights.
Farm-to-table selfies labore, leggings cupidatat sunt taxidermy umami fanny pack typewriter hoodie art party voluptate cardigan banjo.
VHS Wes Anderson Banksy food truck vero. Farm-to-table selfies labore, leggings cupidatat sunt taxidermy umami fanny pack typewriter hoodie art party voluptate cardigan banjo.