Əliabbas Rzazadə çempion, Hacı Əliyvsə yeni çəkidə ikinci olub

Dünən Xorvatiyanın paytaxtı Zaqrebdə idman güləşinin hər üç növü üzrə ilin ilk reytinq xaakterli turnirinə start verilib. Start günü Azərbaycanın sərbəst güləş üzrə yığmasının 7 üzvü döşək üzərinə çıxıb ki, onun da 5-i mükafatçılar arasında yer alaraq fəxri kürsüyə qalxa bilib. Medalların biri qızıl, biri gümüş, üçü isə bürünc əyarlı olub. Təmsilçilərimiz arasında ən yaxşı nəticəni 57 kq-da güləşən Əliabbas Rzazadə göstərib. Bütün görüşləırini qələbə ilə bitirən Rzazadə çempion adını qazanıb. Onunla eyni çəkidə mübarizə aparan İslam Bazarqanovsa fiaskoya uğrayıb. Maraqlıdır ki, 1\4 finalda məhz öz komanda yoldaşı Rzazadəyə uduzan Bazarqanov daha sonra bürünc medal uğrunda görüşdə büdrəyib. Yığmanın aktivinə yazılan gümüş medalı bu yarışda yeni çəkidə mübarizəyə qatılan 3 Qqat düny və Avropa çempionumuz Hacı Əliyev (70 kq, əvvələr 65 kq olub) qazanıb. Qeyd edək ki, 1\4 finaldan mübarizəyə qatılan Hacı ilk iki görüşünü udaraq, finala yüksəlib. Lakin o, finalda amerikalı rəqibi ilə bacarmayıb. Onunla eyni çəkidə yarışa qatılan Hacımurad Hacıyevsə çıxışını 3-cü pillədə bitirməklə bürünc medala layiq görülüb. Yığmamızın aktivinə yazılan daha iki bürünc medal isə Əli Rəhimzadə (65 kq) ilə Cəbrayıl Hacıyevin (74 kq) payına düşüb. 

Yeri gəlmişkən, bu gün isə daha ikisi qadın olmaqla daha 5 təmsilçimiz mübarizəyə qatılıb ki, onlardan da 3-ü bürünc. biisə qızıl medal uğrunda güləşmək imkanı əldə edib. Mariya Stadnik (50 kq), Osman Nurmaqomedov (92 kq) və Maqomedxan Maqomedov (87 kq) bürünc, finala yüksələn Qiorqi Meşvildişvili (125 kq) isə qızıl medal qazanmağa çalışacaq. Polşa, ABŞ və Bolqarıstan təmsilçisini udaraq finala yüksələn təmsilçimiz sonda İran güləşçisi ilə qarşılaşacaq. Yeri gəlmişkən, qadın yığmamızın lideri Stadnik yarımfinalda yaponiyalı Olimpiya çempionu Yui Susaki ilə bacarmayıb. 

İNTİQAM Məmmədov