Portuqaliyanın Amade şəhərində kişi və qadın cüdoçular arasında keçirilən və mövsümün ilk beyəlxalq yarışı olan Qran-Pridən sonra İJF (Beynəlxalq Cüdo Federasiyası) tatami ustalaının yeni reytinq cədvəlini elan edib. Sözügedən turnirin nəticələri nəzərə alındığı üçün həmin turnidə ikinci yeri tutan cüdoçumuz Elcan Hacıyev (81 kq) 4 pillə irəliləməklə 18-ci yerə qalxıb və Top-20-yə daxil olub. Onunla eyni çəkidə çıxış edən və bəlli turnirə qatılmayan Səid Mollai 3-cü pillədəki yerini qoruyub. Lakin Zəlib Tskayevsə iki pillə geriləməklə Top-20-ni tərk edib və 21-ci yerə düşüb. 

Digər çəki dərəcələrində çıxış edən cüdoçularımıza gəlincə, 60 kq cəkidə güləşən və turnirə qatılmayan Balabəy Ağayev 2 pillə geriləyərək 6-cı olub. Həmin çəkidə mübarizə aparan Kəramət Hüseyoca yerində saymaqla 10-u pillədəki mövqeiyini saxlayıb.

66 kq-da güləşən Orxan Səfərov 1 pillə geriləyərək 11-ci olduğu halda, Yaşar Nəcəfov 18-dən 17-yə qalxıb. 

73 kq-da Hidayət Heydərov yenə də 3-cü, Rüstəm Orucovsa 18-cidir. 

90 kq çəkidə Məmmədəli Mehdiyev 5-dən 6-cı yerə, Murad Fətiyevsə 83-dən 84-cü pilləyə düşüb. 

100 kq-da tatamiyə çıxanlardan Zəlim Kotsayev bir pillə irəliləməklə Top-3-ü tamamlayıb. Həmin çəkidə Yelmar Qasımovsa 19-dan 18-ə yüksəlib. Ən ağırımız olan Uşanqi Kokuari isə 11-ci pillədəki yerində qalıb. Onunla eyni çəkidə güləşən Camal Qamzatxanovsa 4 pillə yüksələrək 24-cü olub.

Qadınlardan Leyla Əliyeva (48 kq) 35-dən 34-ə yüksəldiyi halda, Ayişə Qurbanlı bir pillə düşərək 89-cu yeri tutub. Həmin çəkidə güləşən Şəfəq Həmidovasa 93-cüdür. 

52  kq-da Gültac Məmmədəliyeva yenə də 53-cü pillədə qalıb. 3 pillə qalxan Aydan Vəliyevasa 81-ci olub. 

57 kq-da Top-100-də təmsilçimiz yoxdur. 63 kq-da isə Aytac Qardaşxanlı 79-dan 81-ə yuvarlanıb. 70 kq-da olan yeganə təmsilçimiz Günel Həsənli 2 pillə aşağı düşərək 98-ci yeri tutub. 78 kq-da Top-100-də təmsilçimiz yoxdur. +78 kq-da çıxış edən qadın yığmamızın lideri, Olimpiya mükafatçısı İrina Kindzerskaya isə 40-cı pillədə qalıb. 

Qeyd edək ki, cüdoçuların növbəti reytinq xarakterli və Olimpiya təsnifatlı turniri 4-5 fevral aralığında Fransa paytaxtı Parisdə keçirilməsi nəzərdə tutulan "Böyük Dəbilqə" olacaq. 

İNTİQAM Məmmədov