Akif Ağayev: “Tarix yazan əbədiyaşar lider”

Əmək və Əhalinin Sosial Müdafiəsi Nazirliyinin tabeliyində Sosial Xidmətlər Agentliyinin Lənkəran-Astara regional filalının təşkilatçılığı ilə Ulu Öndər Heydər Əliyevin anadan olmasının 100-cü ildönümünə həsr olunmuş “Tarix yazan əbədiyaşar lider” adlı tədbir keçirilib. 

Cəlilabad şəhər Heydər Əliyev Mərkəzində təşkil edilən tədbirdə Ombudsmanın Cənub Regional Mərkəzinin, Cəlilabad rayon Ağsaqqallar Şurasının, YAP rayon təşkilatının rəhbərləri, ictimaiyyət nümayəndələri iştirak ediblər. 

Tədbir öncəsi Ümummilli lider Heydər Əliyevin əziz xatirəsi bir dəqiqəlik sükutla yad olunub. 

Çıxışlarda bildirilib ki, müasir Azərbaycanın memarı və qurucusu, böyük siyasətçi Heydər Əliyevin idarəçilik keyfiyyətləri, liderliyi və uzaqgörənliyi xalqımızı çətin günlərdən xilas edərək işıqlı gələcəyə apardı: “Bu uğurlu siyasətin nəticəsi olaraq Azərbaycan bir dövlət kimi dirçəldi, müstəqilliyimiz, dövlətçiliyimiz məhv olmaq təhlükəsindən qurtuldu. Dahi şəxsiyyət, əbədiyaşar liderimizin apardığı uğurlu siyasət əhalinin sosial rifahının yüksəlməsinə də ciddi təkan verdi...”

Bildirilib ki, Ulu Öndərimizin ideyaları, uğurlu siyasəti bu gün ölkə Prezidenti cənab İlham Əliyev tərəfindən uğurla həyata keçirilir.

Tədbir iştirakçıları Ümummilli Liderin zəngin həyat və siyasi fəaliyyətinin müxtəlif dövrlərini əks etdirən foto-sərgi ilə tanış olublar. 

Akif AĞAYEV