Hazırda dünyada hər yeddi nəfərdən biri miqren xəstəsidir. Hətta qadınların bu xəstəlikdən əziyyət çəkmə ehtimalı kişilərlə müqayisədə daha yüksək hesab edilir. Ay ərzində 15 gündən az müddətdə kəskin baş ağrısından əziyyət çəkənlərin şikayəti epizodik miqren, 15 gündən çox baş ağrısı yaşayanların xəstəliyi isə xroniki miqren adlanır.

İsveçin Malmö Universitetinin alimləri miqren ağrısını aradan qaldırmaq üçün yeni üsul üzərində araşdırma aparırlar.

"International Journal of Pharmaceuticals" jurnalında həkimlərin araşdırmalarının ilkin nəticələri dərc olunub. Onlar düşünür ki, migren dərmanlarının ən təsirli olması və ağrıları tez bir zamanda aradan qaldırması üçün aktiv maddənin qana dərhal daxil olması vacibdir. Hazırda dərman bazarında olan tabletlərdə bu xüsusiyyət yoxdur, buna görə də baş ağrısı ilə mübarizədə çox təsirli sayılmırlar.

Tədqiqatçılar dərmanın ağızın selikli qişasından qana keçməsinə icazə verərək bu problemin öhdəsindən gələ biləcəklərini düşünürlər. Anti-miqren ağrı kəsiciləri serotonin reseptorları ilə reaksiya verən triptanlardan, triptamin əsasında dərmanlardan istifadə edir.

Bununla onlar beyində ağrı hissi yarada biləcək müəyyən siqnalları boğurlar. Alimlər ürəyə ən az zəhərli təsir göstərən eletriptan hidrobromid (EB) ilə işləməyi seçiblər. "Adətən, tabletdə olan aktiv maddə mədə və qaraciyərdə sovrulur. Triptanın dozasının yarısından çoxu qan dövranına daxil olmazdan əvvəl yol boyu parçalanır. Effektə nail olmaq üçün maddənin iki saat ərzində qanda maksimum konsentrasiyasına çatması vacibdir, lakin bu baş vermir. Biz EB-nin birbaşa dilaltı selikli qişa vasitəsilə ağız qan damarlarına daxil olma ehtimalını araşdırdıq. Donuzlardakı ilkin nəticələrimiz inkişafımızın uğurunu göstərir", - deyə tədqiqatçılar izah ediblər. Təcrübələrin yekun nəticələri bu ilin yazında gözlənilir.

Beləliklə bu müalicə metodu ilə ciddi baş ağrısı yaşayan miqren xəstələrinin şikayətləri 50% azalacaq.