Melburnda (Avstraliya) tennis üzrə keçirilən və ilin ilk "Böyük Dəbilqəsi" olan "Australian Open" turniinə kişilərin həlledici final qarşılaşması ilə yekun vurulub. Mükafat fondu 76.500.000 Avstraliya dolları təşkil edən bu turnirin həlledici matçında serbiyalı raketka ustası Novak Cokoviçlə yunanıstanlı Stefanoc Tsitsipas qarşılaşıb. "Azpressmedia" "Sports.ru"ya istinadən xəbər verir ki, Avstraliyanın xard örtüklü mərkəzi kortunda baş tutan və 45.832 tamaşaçının izlədiyi bəlli görüş Cokoviçin qələbəsi ilə başa çatıb - 6:3, 7:6, 7:6.
Bununla da Cokovic "Australian Open"in 10 qat qalibi adını qazanıb. Maraqlıdır ki, 10 dəfə turnirin finalına çıxan serbiyalı idmançı bütün finalları udmağı bacarıb. "Böyük Dəbilqə" seriyasına gəlincə isə o, sayı 22-yə çatdırıb. Bu göstəriciyə görə Cokoviç ispaniyalı raketka ustası Rafael Nadala çatıb. "Dəbilqə" seriyasında 10 dəfə "Australian Open"i, 7 dəfə "Uimbldon"u, 3 dəfə "US Open"i və 2 dəfə də "Rolan Qarros"u udan Cokovic ümumiyyətlə karyerasında 93-cü titulunu qazanıb. Hazırda o, qazanılan titulların sayına görə yalnız İvan Lendel (94), Roje Federer (103) və Cimmi Konnorsdan (109) geri qalır.
Qeyd edək ki, bu qələbə sayəsində 2,1 milyon ABŞ dolları civarında mükafat qazanan cerbiyalı tennisçi karyerasında qazandığı ümumi mükafatın həcmini 166 ,8 milyon dollara çatdırıb. O, həm də yenidən reytinq cədvəlinin liderinə çevirilməklə dünyanın bir nömrəli raketka ustası olub. Karyerasında 7-ci dəfə reytinq cədvəlində liderliyi ələ alan Cokoviç 122 həftə ardıcıl olmaqla 373 həftə dünyanın bir nömrəli raketka ustası statusunu özündə saxlamaqla rekord təzələyib.
Onun finalda məğlub etdiyi Tsitsipasa gəlincə, 10 dəfə iştirak etdiyi finalın hamısında məğlub olan yunanıstanlı tennisçi bu turnirdən 1,2 milyon dollar qazanmaqla ümumi mükafatının məbləğini 24,5 milyona çatdırıb. Onun Cokoviçlə qarşılaşmasına gəlincə, ümumi hesab 13:2 olmaqla serbiyalının xeyrinə olub.
Cokoviçin Tsitsipasa qarşı keçirdiyi final oyununu izləyən 45 min azarkaeş arasında onun atası Novak Srcan və eləcə də "Microsoft"un yaradıcısı Bill Qeyts də olub.
İNTİQAM Məmmədov
03 Comments
High Life tempor retro Truffaut. Tofu mixtape twee, assumenda quinoa flexitarian aesthetic artisan vinyl pug. Chambray et Carles Thundercats cardigan actually, magna bicycle rights.
Farm-to-table selfies labore, leggings cupidatat sunt taxidermy umami fanny pack typewriter hoodie art party voluptate cardigan banjo.
VHS Wes Anderson Banksy food truck vero. Farm-to-table selfies labore, leggings cupidatat sunt taxidermy umami fanny pack typewriter hoodie art party voluptate cardigan banjo.