Elçin Səlimov: 

İLK QƏLƏBƏNİN SEVİNCİ

Şəkildə gördüyünüz bu nur sifətli və yaraşıqlı oğlan əziz qohumum, dayım oğlu Səfalı müəllimin nəvəsidir.Adı Yusif,soy adı Novruzludur . O bu il 642,5 balla müştərək

BMU-İNHA (KOREYA) universitetinə qəbul olmuşdur.Təhsili Dövlət Proqramlıdır.Təhsilinin üç ilini Bakıda,davamını isə Koreyada davam etdirəcəkdir.İnşallah təhsilin sonunda isə ikili diplomlarla təltif olunacaqdır.

Sevincinin həddi-hüdudu yoxdur.Əlbəttə bu yaşda belə böyük bir şansa---qələbəyə imza atmaq hamıya nəsib olmur."Ot kökü üstə bitər" deyiblər bizdən böyüklər.Savadlı nəslin, savadlı ailənin övladı da çox güman ki, belə də olmalı və qələbə qazanmalı idi.

Yaxın qohumu olaraq mən də onun bu naliyyətinə ürəkdən sevinir və qohumlarımın sevincinə şərik oluram.Bu münasibət ilə onun ata-anasına, baba-nənəsinə və yaxınlarına göz aydınlığı verirəm.Yusifin özünə isə bundan sonra da daha böyük uğurlar qazanmasını səmimi qəlbdən arzu edirəm.Və inanıram ki, belə də olacaq, Yusif ailəsini həm də qohumlarını həmişə sevidirəcəkdir.

Son olaraq onun bu qələbəsi münasibəti ilə yazdığım bu şeiri də yazıya əlavə edir və ona, onun qohumlarına ərməğan edirəm.

TƏBRİKİ OLSUN !.

İlk böyük qələbə qazanan Yusif,

Bu əzmin, vüqarın mübarək olsun.

Bünövrən zəhmətlə yoğrulan Yusif,

Bu sevinc qəlblərə nübar tək dolsun.

Bilmirəm nədəndir üzündə sənin,

Günəşin həm də ki, Ayın rəmzi var.

Daha ucalardan gəlsin xoş səsin,

O , böyük yaradan olsun sənə yar.

Səfalı babanla Yusif babanın,

Böyük arzusunu sən eylədin çin.

Yaşa Vətəninçin, çalış elinçin,

Atan da, anan da baxıb sevinsin.

Yolun açıq olsun, zəkan parlasın,

Alışsın ulduzlar, şəninə yansın,

Sevincindən sənin dostlar pay alsın,

Bu şeir Elçinin təbriki olsun.

Şair publisist ELÇİN SƏLİMLİ.

Azərbaycan Yazıçılar Birliyinin üzvü ;

"QIZIL QƏLƏM" mükafatı laureatı.

15.08.2023-cü il.