SEVİNC ÖMRÜMƏ SEVİNC QATDI

          Uzun illərdir, ağır təzyiq xəstəliyindən əziyyət çəkirdim. Getmədiyim xəstəxana, görmədiyim həkim qalmamışdı. Hamısının görüşündən ümidlə qayıdır, yazdıqları reseptlərə əsasən qalaq-qalaq həblərini qəbul edirdim. Həkimlərə  “Təqyiqim var...” deyən kimi təzyiq dərmanları yazırdılar.  Buna baxmayaraq, uzun illərdir gecələr yuxu üzünə həsrət idim.  Qohum-əqrəbanın evinə gedəndə  xəstəliyim onları da narahat edirdi, düzü, utanırdım. 
            Baxmayaraq ki böhran vəziyyətində hər şeyi gizlədirdim, lakin övladlarım bunu hiss edən kimi gecələr narahat olurdular. Gündüz işləyən oğullarım gecə oyaq qalanda az qalırdı, özüm-özümü öldürəm, lakin çarəsizdim, dərdimə əlac yoxdur deyə düşünürdüm.
          Qax rayonuna qudalarımızla görüşə getmişdim. Orada Qax Rayon Mərkəzi xəstəxanasının kordioloqu Sevinc Qazaxova ilə  görüşməyi məsləhət gördülər. Görüşdüm.
          Kordioloq çox həssaslıqla yanaşır, həddindən artıq vaxt sərf edirdi ki, diaqnozu dəqiq qoysun. Bir çox həkimlərdən fərqli olaraq, Sevinc xanım qanımı analiz etdirdi. Böyrəmi dopler müayinəsindən keçirtdi. Dedi ki, əgər təzyiq böyrəklə bağlı deyilsə, onda müalicə üsulu dəyişməlidir. Onun reseptenə əsasən qəbul etdiyim məlhəmlər çox gözəl effekt verməyə başladı.  Bu gözəl mütəxəssisin hesabına artıq gecələr təzyiq böhranından xilas olmuşam. Mən gecələr hamı kimi yatıram. Bilirsinizmi, bu, necə bir xoşbəxtlikdir!  
        Kürəyimdə ürək nahiyyəmdə ağrı vardı, çox incidirdi. Sevinc xanım onun üçün də müalicə yazdı. Artıq ürəyim də sağalıb. Maraqlı cəhət budur ki, Sevinc xanım özü mənimlə vaxtaşırı əlaqə saxlayır, səhhətimlə maraqlanır.  Başqalarının isə telefonuna nə vaxt  cavab verəcəyi intizarı da məni üzürdü. Halal olsun belə həkimə! Halla olsun belə Azərbaycan qızına!
       Allah sizdən razı olsun! Mən Sevinc xanımın simasında Səhiyyə Nazirliyinə, Qax rayon Mərkəzi xəstəxanasının rəhbərliyinə, eyni zamanda, bütün şəfalı əli olan xoş təbəssümlü həkimlərə dərin təşəkkür və minnətdarlığımı bildirirəm!

Sevinc xanım, sevinc verdin ömrümə. 
Günəş kimi nur çilədin ömrümə.
Düşünürdüm yarıyolda qalaram,
Günəş kimi doğdun mənim ömrümə.

Mən bilmirdim yatmaq nədir gecələr,
Nə vaxt doğar gül ətirli səhərlər.
Düşünürdüm öldüyümü görərlər...
Ömür qatdın, sən güc verdin ömrümə.

Nurlu üzün, şirin dilin məlhəmdir,
Dediklərin şəfalı bir məlhəmdir.
Sən həkimsən, adın bizə mərhəmdir,
Qaranlıqda nur tək doğdun ömrümə!

Fazilə Qafar qızı Şuşalı

Azərbaycan Jurnalistlər və 
Yazıçılar Birliklərinin üzvü.