AR ETN Dendrologiya İnstitutunda Narkomaniyaya və Narkobiznesə qarşı Beynəlxalq Mübarizə Günü”-nə həsr edilmiş tədbir keçirilib 

AR ETN-nin Dendrologiya İnstitutunda “Narkomaniyaya və Narkobiznesə qarşı Beynəlxalq Mübarizə Günü”-nə həsr edilmiş  “Pis vərdişlərə son!” adlı elmi seminar keçirilmişdir. Seminarı giriş nitqi ilə açan İnstitutun baş direktor vəzifəsini icra edən biologiya üzrə fəlsəfə doktoru, dosent Minarə Həsənova “Narkotik vasitələrin, psixotrop maddələrin və onların prekursorlarının qanunsuz dövriyyəsinə və narkomanlığa qarşı mübarizəyə dair 2019–2024-cü illər üçün Dövlət Proqramı”nın məqsədi, respublikada narkotik vasitələrin, psixotrop maddələrin və onların prekursorlarının qanunsuz dövriyyəsinə və narkomanlığa qarşı mübarizənin gücləndirilməsi, dünyada və Azərbaycanda vüsət almış narkomaniyaya qarşı gənc nəslin marifləndirilməsi haqqında geniş məlumat vermişdir. Bitki sistematikası laboratoriyasının rəhbəri, biologiya üzrə fəlsəfə doktoru dosent Ramiz Ələkbərov narkotik asılılığın zərərləri, gənclərin narkotik maddə asılılığından necə qoruna bilmələri, onun insan orqanizmasında törətdiyi fəsadlar və narkomaniya ilə mübarizə tədbirlərini əks etdirən əyani görüntülərlə çıxış etmişdir. Daha sonra Bitkilərin mühafizəsi laboratoriyasının aparıcı elmi işçisi biologiya üzrə fəlsəfə doktoru dosent İsmayılova Vüsalə , Sənaye əhəmiyyətli bitkilər laborotoriyasının böyük elmi işçisi  Vüsalə Bədəlova, Bitki sistematikası laboratoriyasının böyük elmi işçisi biologiya üzrə fəlsəfə doktoru dosent Əliyeva Dilrubə , Gənc alim və mütəxəssislər şurasının sədri Qədirova Nuray və şuranın  katibi Bədəlzadə Nigar mövzu ilə əlaqədar çıxışlar edərək narkomaniyanın artıq daha da gəncləşdiyini və orta məktəblərə belə ayaq açmasdını vurğuladılar. Göstərildi ki,  narkomaniya ilə mübarizədə biz alimlərin də üzərinə böyük məsuliyyət düşür və hər kəs bu işdə dövlətin yanında olmalı,  birgə mübarizə aparmalıdır. Biz birlikdə güclüyük. Gəlin planetimizin ən qlobal problemi olan gənclərimizi zombiləşdirərək ölümə sürükləyən, genofondumuza sağalmaz zərbə vuran narkomaniyaya  birlikdə ,,YOX!!!,, deyək.