Şamaxı Astrofizika Rəsədxanasının Elmi Şurasının növbəti iclası keçirilib

Azərbaycan Respublikası Elm və Təhsil Nazirliyi Nəsirədddin Tusi adına Şamaxı Astrofizika Rəsədxanasında (ŞAR) Elmi Şuranın növbəti iclası keçirilib.

Tədbiri rəsədxananın Baş direktoru, AMEA-nın müxbir üzvü Namiq Cəlilov açaraq gündəlikdə duran məsələlər barədə şura üzvlərinə məlumat verib.

İclasda ŞAR-ın xarici elmi ezamiyyətdən qayıdan əməkdaşlarının hesabat çıxışları dinlənilib. Çıxışlarda Rəsədxananın icraçı direktoru, professor Nəriman İsmayılovun M.V.Lomonosov adına  Moskva Dövlət Universitetinin P.K.Şternberq adına Dövlət Astronomiya İnstitutunda “Ulduzlar fizikası – nəzəriyyə və müşahidə” adlı elmi konfrans (Rusiya, Moskva ), “Qalaktikalar və ulduzəmələgəlmə prosesləri” şöbəsinin elmi işçisi Səbahəddin Alışovun “COST”un təşəbbüsü ilə təşkil olunmuş gənc tədqiqatçılar üçün beynəlxalq təlim məktəbi (İspaniya, Tenerife) və “Kosmik plazma və heliogeofiziki problemlər” şöbəsinin əməkdaşı Xalid Cəfərovun “ESO”, “INAF” və “Opticon Radionet Pilot”un birgə təşkilatçılığı ilə keçirilən “ORP – 2023 Instrumentation School” (İtaliya, Milan) çərçivəsində elmi ezamiyyətləri dövründə olan fəaliyyətləri haqqında danışıblar. Hesabatlar dinlənildikdən sonra çıxışçılar tərəfindən şura üzvlərinin sualları cavablandırılıb və hesabatlar qəbul olunub.

Sonda bir sıra cari məsələlər müzakirə olunub.