Banuçiçək Nəsirli ilə Emili Rzayeva vətənə çempion olaraq dönüb

Serbiyanın Sombor şəhərində qız (məktəblilər, yeniyetmələr və gənclər) və qadın boksçular arasında keçirilən Millətlər kubokuna yekun vurulub. ABF-dan (Azərbaycan Boks Federasiyası) verilən məlumata görə, yanvarın 17-dən 22-dək davam edən turnirə 12 idmançı ilə qatılan Azərbaycan yığması 2-si qızıl, 3-ü gümüş və 6-sı bürünc əyarlı olmaqla 11 medal qazanıb. Yığmamızın aktivinə yazılan qızıl medalları yeniyetmələr arasında müvarizə aparan Banuçiçək Nəsirli (46 kq) ilə gəcləri yarışına qatılan Emili Rzayeva (66 kq) qazanıb. Bütün görüşlərini qələbə ilə başa vuran cütlüyümüz fəxri kürsünün ən yüksək pilləsinə qalxıb. Gümüş medallar yalnız həlledici final döyüşündə büdrəyən Lalə Mədətova (48 kq) və Aynur Mikayılova (52 kq. hər ikisi gənclər arasında) və böyüklərin yarışında özünü sınayan Şəhla Allahverdiyevanın (66 kq) payına düşüb. Bürünc medallara gəlincə, bunları isə məktəbli boksçular arasında döyüşə çəxan Səma Hüseynova (54 kq), gənclərdə yumruqlaşan Aysu İsmayılova (48 kq) ilə Nərmin Əlizadə (50 kq), böyüklərdəsə Günel Rəhimova (48 kq), Anaxanım İsmayılova (50 kq) və Esmira Məmmədova (63 kq) qazanıb.

İNTİQAM Məmmmədov