Dendrologiya İnstitutunun Abşeron rayonu Saray təcrübə sahəsində iməcilik təşkil olunub

AR Elm və Təhsil Nazirliyi Dendrologiya İnstitutununAbşeron rayonu Saray təcrübə sahəsindəbiomüxtəlifliyin, bərpası, mühafizəsi, səmərəli istifadəsi, iqlim dəyişkənliyinin biomüxtəlifliyə, populyasiyalara və növdaxili dəyişkənliyə təsiri istiqamətinə uyğun  elmi tədqiqat işləri aparılır.
AR Elm və Təhsil Nazirliyi Dendrologiya İnstitutunun baş direktor vəzifəsini icra edən biologiya üzrə fəlsəfə doktoru, dosent  Minarə Həsənovaburada aparılan elmi-təcrübə işlərinin gedişatı və müxtəlif bitkilərin qiymətli kolleksiyaları ilə tanış olub.
Alim İnstitutun İctimaiyyətlə əlaqələr şöbəsinə sahənin elmi potensialının gücləndirilməsi istiqamətində, eləcə də gələcəkdə həyata keçiriləcək işlər haqqında məlumat verib. Dendrologiya İnstitutunun Abşeron rayonu Saray təcrübə sahəsinin 7 hektarında əkilmiş 50 mindən çox  min ağac və kol, 15 min ədəd rozmarin bitkisinin əraziyə uyğun boy dinamikası və bitkilərin yerli şəraitə uyğunlaşma dərəcəsi təhlil edilib.Təsərrüfat əhəmiyyətli efir yağlı bitkilərin qruplaşdırılaraq sediativ xüsusiyyətlərinin təhlil edildiyini söyləyib. Həmçinin kənd təsərrüfatı əhəmiyyətli məhsuldar bitkilərin keyfiyyətli sortlarının seçilməsi məqsədilə Dendrologiya İnstitutunun Abşeron rayonu Saray təcrübə sahəsində 5 mindən çox dərman bitkisinin əkildiyini qeyd edib.
Təcrübə sahəsindən daha səmərəli istifadə olunması ilə bağlı müzakirələr aparılaraq, müvafiq göstərişlər verilib.