YAP Kəlbəcər Təşkilatının sədri Həbib Misirov şəhid ailələrin ziyarət etmişdir

YAP Kəlbəcər rayon təşkilatının sədri Həbib Misirov, YAP Kəlbəcər rayon təşkilatının məsləhətçisi Səkinə Baxışzadə və Savat Federasiyasının Prezidenti, əməkdar məşqçı Rafiq Əliyev Gənçə şəhərində Naxçıvan Əlahiddə Ümumqoşun Ordusunun Xüsusi Təyinatlı Bölməsinin Komandiri, Vətən Müharibəsi qəhrəmanı şəhid polkovnik-leytenant Anar Vaqif oğlu Əliyevin və Tərtər rayonun Bəyimsarov kəndində şəhid Hüseynzadə Elgiz İbrahim oğlunun valdeyinlərini ziyarət ediblər. Şəhidlərin əziz xatirələri ehtiramla yad edilib, barələrində xoş təəssüratlar danışılıb.

Çıxış.edənlər bildiriblər ki, şəhidlərimizin xatirəsi bizim üçün hər zaman əzizdir. Şəhidlik zirvəsinə ucalan qəhrəmanların keçdikləri şərəfli ömür yolu gələcək nəsillər üçün örnəkdir. Dövlətimizin şəhid ailələrinə göstərdiyi diqqət və qayğıdan danışılıb və hər zaman dövlətin şəhid ailələrinin yanında olduğunu bildiriblər. Möhtərəm Prezidentimiz İlham Əliyevin şəhid ailələrinə göstərdiyi diqqət və qayğı hər bir azərbaycanlı üçün örnək olduğu vurğulanıb.

Şəhidlərin ailə üzvləri dövlət səviyyəsində şəhid ailələrinə göstərilən diqqət və qayğıdan razı qaldıqlarını bildirmiş, ölkə Prezidenti, Ali Baş Komandan cənab İlham Əliyevə və Birinci Vitse-Prezident Mehriban xanım Əliyevaya minnətdarlıqlarını ifadə etmişdilər.