Bakının şəhid Rafiq Nəsrəddinov adına 39 saylı tam orta məktəbində

"Qəlbimizdə yaşayanlar" kitabının təqdimatı oldu

İyunun 2-si Bakı şəhəri şəhid Rafiq Nəsrəddinov adına 39 saylı tam orta məktəbdə şairə Esmira Günəşin kitab təqdimatı keçirilib. Tədbiri şairənin "Qəlbimizdə yaşayanlar" kitabında yer alan qəhrəmanlardan Şəhid Şəhriyar Qasımovun adını daşıyan sinif kollektivi təşkil edib. Məktəbin akt zalında baş tutan tədbirdə şairə Esmira Günəş və şəhid Şəhriyar Qasımovun anası İlhamə xanım alqışlarla və gül-çiçək dəstələri ilə qarşılanıb. Bütün məktəb kollektivi böyük sevgi ilə qonaqlarını qarşılayıb. Tədbir boyu şagirdlər tərəfindən şairə Esmira Günəşin şəhidlərə həsr etdiyi kitablardan bəhs olunaraq müxtəlif şeirləri səsləndirilib. Məktəbin direktoru Tahirə müəllimə öz çıxışında qeyd edib ki, o da şəhid bacısıdır. Qardaşı Şahlar Şükürov hələ 90-cı ildə şəhidlik zirvəsinə ucalıb. Həmin gündən anasının qəlbi dağlı qalıb. O, şəhid ailəsinə səbr diləyərək şairəyə yaradıcılıq uğurları arzulayıb. Sonra söz Esmira Günəşə verilib. Şairə kiçik bir kompozisiya göstərdikdən sonra 3 kitablarını məktəbə hədiyyə edərək bildirib ki, bu gözəl sevginin qarşılığında bütün kitablarından məktəbə hədiyyələr verəcək. Şəhid anasına da kitab hədiyyə etdikdən sonra hər kəsə təşəkkürünü bildirib. Tədbirdə iştirak edən digər müəllimlərdən direktor müavini Könül Rəhimova, 7a sinif rəhbəri, Mehbarə Əliyeva,
Azerbaycan dili ve ədəbiyyat müəllimi,Təranə Məmmədova və şəhid Şəhriyar Qasımov adına sinifin valideyn komitəsi rəhbəri Mehriban xanım çıxış etdikdən sonra şagirdlərin istəyi ilə şairə Esmira Günəşə suallar verilib. Maraqlı tədbirdən sonra qonaqlar məktəb kollektivinin təşkil etdiyi çay süfrəsinə dəvət olunublar. Daha sonra şairə Esmira Günəş şəhid Şəhriyar Qasımovun ev muzeyini də ziyarət etdikdən sonra Binəqədidən ayrılıb.