NDU beynəlxalq tədbirə ev sahibliyi edib

Naxçıvan Dövlət Universitetində birinci Beynəlxalq Apiterapiya və Təbiət Konqresi öz işinə başlamışdır. Altı ölkənin 300 mütəxəssisinin iştirak etmiş olduğu Konqres 1-3 iyun tarixlərində Naxçıvan Dövlət Universitetinin ev Sahibliyi ilə reallaşmaqdadır.

Konqresin Plenar hissəsində, Naxçıvan Dövlət Universitetinin Rektoru, hörmətli Elbrus İsayev çıxış edərək, qonaqları Salamladı. Qeyd etdi ki, universitetimiz beynəlxalq səviyyəli konfranslara ev sahibliyi etməkdən və dəyərli qonaqlarımızla işbirliyində olmaqdan olduqca məmnundur. Bildirdi ki, maraqlı mövzuların yer aldığı kongres, tibb elminin inkişafında, qarşılıqlı elmi araşdırmaların təşkilində və əhəmiyyətli elmi və təcrübi nəticələrin əldə olunmasında aktuallıq kəsb etməkdədir. Bu proseslərin davamlılığında Azərbaycan və qardaş Türkiyə Cümhuriyyətinin ali məktəblərinin qarşılıqlı əməkdaşlıqlarının mühüm əhəmiyyətindən söz açan rektor, qadşıdakı mərhələlərdə də, bu tədbirlərin davam etdirilməsinin zəruriliyini vurğuladı.

Plenar iclasda, Karadeniz Texnik Universitetinin rektoru, professor Hamdullah Çuvalçı, İqdir Universitetinin rektoru, professor M. Hakkı Alma, Naxçıvan Muxtar Respublikasının Kənd Təsərrüfatı Naziri Xəyalə Dadaşova, Naxçıvan Muxtar Respublikasının Səhiyyə Naziri Samik Sadıqov çıxış etdilər.

Ardıcıl olaraq, "Yüksək apiterapevtik dəyərlərlə olan Anatolya arı məhsulları" mövzusunda Sevgi Kolaylı, "Azərbaycan etnik əhalisi tərəfindən istifadə olunan faydalı bitkilərin istifadəsi" mövzusunda Səyyarə İbadullayeva, "Qeyri infeksiyalı xroniki xəstəliklərin müalicəsində XXI əsr tibbi" mövzusunda Fikriyyə İbrahimli məruzə etdilər.

Sonra Azərbaycan peşəkar mühasibatlar birliyinin prezidenti Elxan Məmmədovun çıxışı dinlənilmişdir.

Kongresin poqramına diqqət etdikdə, aydın olur ki, müzakirələr, Plenar və bölmə iclasları şəklində olmaqla 10 bölmə üzrə 72 məruzənin təqdimatı ilə davam edəcəkdir.