CAVADXAN QASIMOV:

NDU-da 1-ci Beynəlxalq İpək Yolu Konfransı

Naxçıvan Dövlət Universitetində 15 ölkədən 300 məruzəçinin iştirak etmiş olduğu 1- ci Beynəlxalq İpək Yolu Konfransı öz işinə başlamışdır. Konfransda ilk olaraq, universitetin rektoru Elbrus İsayev çıxış edərək, konfransın önəmindən söz açaraq, tarixi İpək Yolunun mahiyyətindən, onun iqtisadi, sosial, mədəni, hətta hərbi əhəmiyyətindən söz açdı. Qeyd etdi ki, bu yolun ən böyük əhəmiyyəti müasir müstəqillik mərhələsində bərpa olunması məqsədilə, Çin də daxil olmaqla, bir sıra ölkələr çıxışlar etmiş, təşəbbüslər ortaya qoymuşdur. Məhz ulu öndərimiz Heydər Əliyevin müdrikliyi ilə bu yolun bərpası sahəsində mühüm addımlar atılmış oldu. Sonrakı mərhələlərdə bu yolun işığında dəmir, ipək, virtual İpək Yolu kimi yeni terminlər aktuallığı ilə seçildi. Məhz yeni reallıqlar müstəvisində Zəngəzur layihəsinin reallaşması tarixi İpək Yolu sahəsində olduqca zəruri amil olacaq. Elə bütün dünya maraqlıdır ki, bu dəhliz açılsın. Çünki, bu dəhliz İpək Yolunu tamamlayacaq. 44 günlük Vətən müharibəsinin qüruru müstəvisində tarixi Zəfərimizlə İpək Yolu olduqca möhtəşəm olacaq. Strateji layihələr, o cümlədən, Şimal Cənub və Şərq Qərb layihələrinin reallaşması bu sahədə ölkımizin önəmini daha çox diqqətə çatdırmaqdadır.

Qars Qafqaz Universitetinin rektoru, professor Hüsnü Kapu çıxış edərək ölkələrimiz arasındakı qarşılıqlı işbirliklərinin önəmini vurluladı. Qeyd etdi ki, İpək Yolu eyni zamanda, Çindən başlayaraq, mədəniyyət dəhlizi rolunu oynamaqdadır. Məhz İpək Yolu malik olduğu siyasi, iqtisadi tərəfiləri ilə yanaşı, həm də mədəni üstünlüklərinə görə seçilməkdədir. Natiq qeyd etdi ki, Qars Qafqaz Universiteti qardaş Naxçıvan Dövlət Universitetinin imkanlarından da yararlanmaqla, daha uğurlu əməmdaşlıqlar edəcəyik. H.Kapu 44 günlük Vətən Müharibısində şəhid olan qardaşlarımıza ALLAHdan rəhmət dilədiyini də vurğuladı.

Azərbaycan Dövlət Pedoqoji Universitetinin prorektoru professor Mahirə Hüseynova qeyd etdi ki, burda iştirak edən qonaqların hər biri mənə doğmadır. İKSAD-ın təşkil etmiş olduğu bütün konfransların biz də iştirakçısıyıq. Ulu öndərin 100 illik yubileyi çərçivəsində keçirilən bütün tədbirlərin olduqca mühüm əhəmiyyəti var. Dövlət başçımızın rəhbərliyi ilə başladılan hər bir iş 44 günlük Vətən Müharibəsinin zəfəri kimi uğurla nəticələnəcək ki, burda da, İpək Yolu ilə bağlı olan bu konfrans da mühüm əhəmiyyətinə görə seçilmiş olacaqdır.

Sonra Beynəlxalq Konfransın plenar hissəsinə uyğun olaraq, AMEA Naxçıvan Bölmısinin sədri, akademik İsmayıl Hacıyev, İKSAD təşkilatının rəhbəri Dr. Mustafa Latif Emek, Beynəlxalq Türk Akademiyasının prezidenti, akademik Şahin Mustafayev, Naxçıvan Müəllimlər İnstiyutunun rektoru, dosent Azad Novruzov, Atatürk Universitetindən Hüseyn Yurtdaş, AMEA Naxçıvan Bölməsindən Hacıfəxrəddin Səfərli, Özbəkistan İpək Yolu Araşdırma Mərkəzinin başçısı professor Əzəmət Əkbərov, ABŞ Purdue Universitetindən professor Cəmaləddin Hüseyn və Adana Çukurova Universitetindən professor Hakkı Çiftçi çıxış edərək beynəlxalq konfransın önəmini vurğulamaqla, ev sahibliyinə görə Naxçıvan Dövlət Universitetinin rektoru Elbrus İsayeva minnətdarlıq etdilər.

Qeyd etmək olar ki, Beynəlxalq Konfrans 23 bölmə üzrə öz işini davam etdirəcək ki, onun da 11-i üz üzə, digər 12-si isə onlayn üzrə həyata keçirilmiş olacaq.