Mingəçevirdə "Heydər Əliyev İli"nə həsr olunan intellektual yarış keçirilib. 

Yeni Azərbaycan Partiyasının Mingəçevir şəhər təşkilatı və Gənclərin İnkişaf və Karyera Mərkəzinin Mingəçevir nümayəndəliyinin birgə təşkilatçılığı ilə "Heydər Əliyev və Azərbaycan gəncliyi" adı altında keçirilən olunan yarış "Nə? Harada? Nə zaman?" formatında baş tutub. 
Yarış Azərbaycan Respublikasının Dövlət Himninin səsləndirilməsi ilə başlayıb. Daha sonra Ümummilli Lider və vətənimizin ərazi bütövlüyü uğrunda canlarından keçən şəhidlərimizin ruhu bir dəqiqəlik sükutla yad olunub. 
Çıxış edən rəsmi qonaqlar və təşkilatçılar Ümummilli Liderin həyat və fəaliyyəti, gənclər siyasəti ilə bağlı ətraflı məlumat verib, intellektual gənclər ordusunun formalaşmasının əhəmiyyətiniə diqqət çəkib və komandalara uğurlar arzulayıblar.
Ümumilikdə 9 komandanın iştirak etdiyi yarışda komandalar Azərbaycan tarixi, mədəniyyəti, elm və incəsənəti, Ümumilli Lider və onun gənclər siyasəti, ümumi dünyagörüşünü əhatə edən sualları cavablandırmaqla qalib olmaq uğrunda mübarizə aparıb. Yarışın sonunda "ASAN volunteers" komandası I, "Go" komandası II, "45-ci Legion" komandası isə III yerin qalibi olub. 
Qalib komandaları təbrik edir, intellektual gənclərimizə yeni və daha böyük uğurlar arzulayırıq!