ADPU-nun Quba filialında NHN üzrə “Heydər Əliyev” kuboku keçirilib

Mayın 17-də Quba rayon Gənclər və İdman İdarəsinin, "Yurd" Gənclərin İntellektual İnkişafına Dəstək İctimai Birliyinin (“Yurd” İB) və Azərbaycan Dövlət Pedaqoji Universitetinin (ADPU) Quba filialımın birgə təşkilatçılığı ilə “Heydər Əliyev ili" çərçivəsində ADPU-nun Quba filialında “Nə? Harada? Nə zaman?” (NHN) formatında "Heydər Əliyev" kuboku uğrunda intellektual oyun keçirilmişdir. 
İntellektual oyunda ADPU-nun Quba fililaının, Quba Dövlət Sosial-İqtisadi Kollecinin və Quba Tibb Kollecinin tələbələri iştirak etmişlər.  Yarışda hər təhsil müəssisəsindən 3 komanda, hər komandada isə 5 nəfər olmaqla, ümumilikdə 45 nəfər mübarizə aparıb. 
Tədbirin rəsmi açılış mərasimində Quba rayon Gənclər və İdman İdarəsinin rəisi Mustafa Nöhbalayev, ADPU-nun Quba filialının direktor köməkçisi Mürvət Əliyev, "Yurd" Gənclərin İntellektual İnkişafına Dəstək İctimai Birliyinin sədri Ramin Mahmudov çıxış etmiş, Ümummilli Lider Heydər Əliyevin gənclərə göstərdiyi diqqətdən, dövlətçilik ənənələrindən, tədbirin keçirilməsinin məqsədindən danışaraq komandalara uğurlar arzuladılar. 
Daha sonra oyunun keçirilmə qaydaları haqqında komandalara məlumat verilib. Oyun hər turda 12 sual olmaqla 2 turda keçirilib. Komandaların kubok uğrunda gərgin keçən mübarizəsinin yekununda Quba Dövlət Sosial-İqtisadi Kollecinin "Bayraktar" komandası I yerə, ADPU-nun Quba fililaının "Aid" komandası II yerə, Quba Tibb Kollecinin "Zəfər" komandası isə III yerə çıxmışdır. Qaliblərə diplomlar, I yeri tutan komandaya isə  kubok təqdim edilib.