CAVADXAN QASIMOV:

NDU-da Heydər Əliyevin anadan olmasının 100-cü ildönümü münasibətilə tədbir keçirilib

Xalqımızın ümummilli lideri Heydər Əliyevin anadan olmasının 100-cü ildönümü münasibətilə qalib ölkəmizdə olduğu kimi onun inkişaf edən ali məktəbi Naxçıvan Dövlət Universitetində də silsilə tədbirlər davam etməkdədir. Yüksək peşəkarlıqla hazırlanmış tədbirlər ali məktəbimizin xüsusilə də, son üç ildəki inkişafı göstəricilərinin bir ifadəsi olmaqdadır.

Bunu, Heydər Əliyev adına Mədəniyyət Sarayındakı tədbirdə Naxçıvan Dövlət Universitetinin Hüquqşünaslıq ixtisasının III kurs tələbəsi, Heydər Əliyev adına təqaüdçü Məryəm Azadın çıxışında və şəhərimizdə Ümummilli Liderin anadan olmasının 100-cü il dönümü münasibətilə təşkil olunan möhtəşəm konsertdə universitetimizin simfonik orkestrinin ifasında bir daha görmək hər birimizi qürurlandırmış oldu.

Bütün bunlar, təbii olaraq, Naxçıvan Dövlət Universitetinin qısa müddət ərzində uzun inkişaf yolu keçməsinin ən gerçək təsdiqidir. Universitetimiz, qarşıda mərhələlər üzrə, daha yeni layihələrlə, daha perspektivli islahatlarla, daha etibarlı tədris mexanizmləri ilə Milli Liderimizin görmək istədiyi ali məktəb olaraq təşəkkül tapacaqdır. Xeyirli olsun