HƏBİB MİSİROV: 

Ulu Öndər Heydər Əliyevin anadan olmasının 100 illiyinə həsr olunmuş bilik yarışı keçirildi

"Heydər Əliyev İli" çərçivəsində 3 may 2023-cü il tarixində Şərqi Zəngəzur Regional Təhsil İdarəsinin Kəlbəcər rayon 56 saylı tam orta məktəbində Ulu Öndər Heydər Əliyevin anadan olmasının 100 illiyi ilə əlaqədar olaraq bilik yarışı keçirildi. Tədbirdə Yeni Azərbaycan Partiyası Kəlbəcər rayon təşkilatının sədri Həbib Misirov, Şərqi Zəngəzur Regional Təhsil İdarəsinin məsləhətçisi Cəmilə Mirzəyeva, Kəlbəcər rayon Təhsil sektorunun əməkdaşı Xəqani Nadirov və digər qonaqlar iştirak ediblər. Azərbaycan xalqının Ümummilli Lideri Heydər Əliyevin və şəhidlərimizin əziz xatirəsi bir dəqiqəlik sükutla yad edilib. Daha sonra məktəbin şagirdlərinin hazırladıqları Ümummilli Lider Heydər Əliyevin həyat və fəaliyyətindən bəhs edən videoçarx nümayiş olunub. Məktəbin direktoru Aidə Əhmədova qonaqları salamlayaraq bilidirdi ki, Ulu Öndər Heydər Əliyevin zəngin dövlətçilik irsinin öyrənilməsi və gənc nəslə aşılanması məqsədi ilə məktəbimizdə ardıcıl tədbirlər keçirilir. Ulu Öndər Heydər Əliyevin anadan olmasının 100 illiyi ilə əlaqədar keçirilən bu günkü tədbir xalqımızın böyük oğlu Ulu Öndər Heydər Əliyevin irsinin öyrənilməsi və gənc nəslə aşılanması məqsədilə təşkil edilib. Bu günkü qüdrətli, güclü, qalib Azərbaycan Ulu Öndər Heydər Əliyevin şah əsəridir:

YAP Kəlbəcər rayon təşkilatının sədri Həbib Misirov çıxışında xalqımızın böyük oğlu, müasir Azərbaycan dövlətinin banisi və qurucusu Ulu Öndər Heydər Əliyevin həyat yolundan, Vətən qarşısında tarixi xidmətlərindən danışdı. Sədr Həbib Misirov qeyd etdi ki, Ulu Öndərin mənalı ömür yolunun hər anı, hər səhifəsi bugünkü və gələcək nəsillərə nümunə olacaq canlı və unudulmaz tarixdir. Bu günkü gənclik o illəri tarix dərsliklərindən və digər vəsaitlərdən öyrənirlər.

Şərqi Zəngəzur Regional Təhsil İdarəsinin məsul nümayəndəsi Cəmilə Mirzəyeva çıxışında müstəqil Azərbaycanın Ulu Öndərinin indiki və gələcək nəsillərə əmanəti, onun zəngin və çoxşaxəli irsi isə xalqımızın milli sərvəti olduğunu qeyd edib. Azərbaycançılıq anlayışı Azərbaycan xalqının milli, mənəvi keyfiyyətləri, dəyərləri ilə sıx vəhdət təşkil edir. Azərbaycançılıq məfkurəsinin əsasında dayanan, onun ən mühüm tərkib hissələrindən biri də Ana dilidir, Azərbaycan dilidir.

Kəlbəcər rayon təhsil sektorunun əməkdaşı Xəqani Nadirov çıxışında Ulu Öndərin irsini qoruyub saxlamaq hər bir azərbaycanlının şərəfli vəzifəsi olduğunu qeyd edib və Heydər Əliyev irsinin öyrədicisi və təbliğatçısı olmaq, bu mənəviyyatı gənc nəslə ötürmək vətən qarşısında şərəfli bir vəfa borcu olduğunu vurğulayıb.

Komandalar haqqında məktəbin müəlliməsi Güldanə Sadıqova məlumat verərək bildirdi ki, Ümummilli Lider Heydər Əliyevin anadan olmasının 100 illik yubileyinə həsr olunan intellektual bilik yarışında məktəbin 3 komandası Ulu Öndər, Dahi və Zəngəzur komandaları mübarizə aparacaq. Yarışın təşkilində əsas məqsəd yeniyetmə və gənclərin Ümummilli Liderin irsinin öyrənilməsi, həyat və fəaliyyəti, xalq və Vətən qarşısındakı xidmətləri barədə məlumatlılığını artırmaq, onların intellektual potensialını yüksəltməkdir.

Tədbirin aparıcısı bilik yarışmasının təşkilatçısı Rəmziyyə Abbasova tərtib edilən suallar, sualların cavablandırılması və münsiflər heyəti barədə ətraflı məlumat verdi. Bildirdi ki, münsiflər heyətində məktəbin iki müəlliməsi Bənövşə İlyasova və Xuraman Qarayevadır. Ulu Öndərin məşhur kəlamlarını səsləndirdi. Hər bir komandaya sualları cavablandırmaq üçün bir dəqiqəlik vaxt verildi. Bir saat ərzində komandalar öz bilik və bacarıqlarını nümayiş etdirdilər. Şagirdlər Ulu Öndərə həsr olunmuş şeirlər söylədilər və ədəbi-bədii kompozisiya nümayiş etdirdilər.

Sonda qalıb komandalara diplomlar və hədiyələr təqdim edildi. Birinci yer "Zirvə", ikinci yer "Ulu Öndər", üçüncü yer isə "Zəngəzur" komandaları elan edildi. Tədbir iştirakçıları komandaları təbrik edib bütün iştirakçılara uğurlarının davamlı olmasını arzuladılar.