Mərkəzi Elmi Kitabxana Ədliyyə Nazirliyində sərgi təşkil edib

18 aprel tarixində AMEA Mərkəzi Elmi Kitabxanası Azərbaycan Respublikası
Ədliyyə Nazirliyində Ulu öndər Heydər Əliyevin zəngin irsini əks etdirən kitab
sərgisi təşkil edib.
Ölkə Prezidenti İlham Əliyev tərəfindən elan olunmuş 2023-cü il “Heydər Əliyev
İli” çərçivəsində keçirilən sərgidə MEK-in fondlarındakı Ümummilli lider Heydər
Əliyevin mənalı ömür yolu və titanik fəaliyyətindən, xalqımız və dövlətimiz
qarşısında misilsiz xidmətlərindən, respublikamızın hərtərəfli inkişafına
hesablanmış müdrik və uzaqgörən siyasətindən bəhs edən 400-dən çox kitab və
miniatür vəsaitlər nümayiş etdirilib.
Sərgidə ədliyyə naziri Fikrət Məmmədov çıxış edərək tarixi şəxsiyyət Heydər
Əliyevin zəngin irsinin indiki və gələcək nəsillərə örnək olduğunu bildirib, sərginin
əbədiyaşar liderimizin yüksək amallarının təbliği və öyrənilməsi baxımından
mühüm əhəmiyyətini vurğulayıb.
MEK-in Heydər Əliyev və Azərbaycan dövlətçiliyi şöbəsinin müdiri Günel Bağırova-
Hüseynova tədbirin mütəşəkkil qaydada təşkilinə görə minnətdarlığını bildirib,
dahi Heydər Əliyev haqqında yeni əsərlər, nəşrlər barədə məlumat verib, ədliyyə
işçilərinin Ümummilli Liderin irsinə böyük maraq göstərək sərgidə fəal iştirakını
xüsusi qeyd edib.
Qeyd edək ki, sərgiyə Ədliyyə Nazirliyinin rəhbərliyi və çoxsaylı kollektivi ilə yanaşı,
Bakı Dövlət Universiteti Hüquq fakültəsinin tələbələri də baxış keçiriblər.