Azərbaycan Respublikası Elm və Təhsil Nazirliyinin Genetik Ehtiyatlar İnstitutunun (GEİ) aparıcı elmi işçisi, aqrar elmlər üzrə fəlsəfə doktoru, dosent Mirzə Musayevin beynəlxalq tərəfdaşlarla uzun illər ərzində üzüm bitkisinin təkamülü üzrə birgəapardıqları tədqiqat işinin nəticələri dünyanın ən məşhur jurnalı olan “SCİENCE” jurnalında (İmpakt faktor- 63.714) dərc olunmuşdur. Məqalə 2023-cü il 3 mart tarixli, 379-cu cild, 6635-ci nömrəsindəyayımlanmışdır. Tədqiqat işində müxtəlif ölkələrdən toplanılan 3525 mədəni və yabanı üzümün tam genomunun sekvenslənməsi həyata keçirilmiş, dərin bioinformatik və biostatistik analizlərlə üzüm bitkisinin ikili mədəniləşmə və mənşə mərkəzinə malik olduğu müəyyən edilmişdir. Olduqca sanballı analizlərlə sübut olunmuşdur ki, üzüm bitkisi 11 min il əvvəl Qərbi Asiya və Qafqazda mədəniləşdirilmiş, süfrəlik və şərablıq üzüm sort və formaları yaradılmış və daha sonra bu təcrübə Avropaya keçmişdir. Genom boyu asossiativ xəritələşdirmə metodu ilə üzümün bir sıra əlamətlərini idarə edən genlər və minlərlə tək nukleotid polimorfizmləri identifikasiya edilmiş, eləcə də əldə edilmiş mükəmməl elmi nəticələr üzüm bitkisi üzrə genom seleksiyası istiqamətində gələcək tədqiqatlar üçün geniş üfüqlər açmışdır. Tədqiqat işinin yüksək elmi əhəmiyyəti nəzərə alınaraq “SCİENCE”jurnalının cari nömrəsinin üz səhifəsində üzüm bitkisinin şəkilləri əks etdirilmişdir.
Əldə edilmiş möhtəşəm uğur münasibətilə Azərbaycanın bütün elmi ictimaiyyətini, eləcə dəGenetik Ehtiyatlar İnstitutunun aparıcı elmi işçisi,aqrar elmlər üzrə fəlsəfə doktoru, dosent Mirzə Musayevi və GEİ-nin bütün kollektivini səmimi qəlbdən təbrik edirik.
Məqalənin tam məzmunu ilə aşağıdakı link vasitəsilə tanış olmaq mümkündür.
https://www.science.org/doi/10.1126/science.add8655
( Sosial şəbəkədə gedən yazışmanin FOTO-ƏKSİndə olan qramatik və məzmun səhvlərinə görə redaksiya məsuliyyət daşımır )
03 Comments
High Life tempor retro Truffaut. Tofu mixtape twee, assumenda quinoa flexitarian aesthetic artisan vinyl pug. Chambray et Carles Thundercats cardigan actually, magna bicycle rights.
Farm-to-table selfies labore, leggings cupidatat sunt taxidermy umami fanny pack typewriter hoodie art party voluptate cardigan banjo.
VHS Wes Anderson Banksy food truck vero. Farm-to-table selfies labore, leggings cupidatat sunt taxidermy umami fanny pack typewriter hoodie art party voluptate cardigan banjo.