“Heydər Əliyev və dövlət qadın siyasəti” – Masallıda tədbir- Akif Ağayev (FOTO)

Masallıda “Heydər Əliyev və dövlət qadın siyasəti” mövzusunda tədbir keçirilib. Rayon Heydər Əliyev Mərkəzində təşkil olunan tədbir 8 mart - Beynəlxalq Qadınlar Gününə həsr olunub. Rayonun fəal qadınlarının iştirak etdiyi tədbir öncəsi müasir müstəqil dövlətimizin qurucusu Ulu öndər Heydər Əliyevin və şəhidlərimizin xatirəsin bir dəqiqəlik ehtiramla yad edilib. Masallı rayon Heydər Əliyev Mərkəzinin baş fond müdiri Gülcahan Vəkilzadə iştirakçıları 8 Mart Beynəlxalq Qadınlar günü münasibətilə təbrik edərək qeyd edib ki, qadınların dövlət strukturlarında iştirakını təmin etmək və onları həyatın bütün sahələrində fəal iştiraka cəlb etmək cəmiyyətin davamlı inkişafının bir hissəsinə çevrilib. Ölkəmizdə dövlət qadın siyasətinin əsasının Ümummilli lider Heydər Əliyev tərəfindən qoyulduğunu deyən G. Vəkilzadə bildirib ki, Ulu Öndər Azərbaycan qadınının cəmiyyətdə layiqli mövqe tutmasını, qadınlarla bağlı siyasətin gücləndirilməsini dövlətin prioritet vəzifələrindən hesab edib. Vurğulanıb ki, həmin siyasət bu gün Prezident İlham Əliyev tərəfindən uğurla davam etdirilir. Masallı Qadın Resurs Mərkəzinin koordinatoru Nərgiz Muxtarova, Masallı Tarix-Diyarşünaslıq Muzeyinin direktoru Əntiqə Tağıyeva, Mərkəzi Kitabxana Sisteminin 32 saylı filial müdiri Sevanə Mənsimova, Gənclər İnkişaf və Karyera Mərkəzinin Masallı nümayəndəliyinin direktoru Aynur Tağıyeva, gənc könüllü Vüsalə İmanova və başqaları Azərbaycan qadınlarının tarixi xidmətlərindən, cəmiyyətdəki rolundan və nüfuzundan bəhs ediblər. Bildirilib ki, Azərbaycanın dövlət müstəqilliyinin bərpasından sonra qadınlar ölkənin ictimai-siyasi və sosial-iqtisadi həyatının fəal iştirakçısına çevrilib, təhsil, səhiyyə, elm və mədəniyyət sahələrində çoxsaylı nailiyyətlər qazanıblar. Akif AĞAYEV