"Kral klubu" 5-ci dəfə dünya çempionu olub

Madid "Real"ı ilə "Əl-Xilal" (Səudiyyə Əəbistanı) klubu arasında klublararası dünya çempionatın final oyunu keçirilib. Madrid təmsilçisinin 5:3 (2:1, 3:2) qələbəsi ilə bitən bu oyun əlamətdar hadisələrələ tarixə düşüb. Belə ki, "Kral klubu"nun öz tarixində qazandığı 99-cu titul klubun fransalı forvardı Kərim Benzaminin bu klubda 24-cü, klubun prezidenti Florentino Peresin isə 31-ci titulu olub. İndi Benzema "Real"da qazanılan titulların sayına görə yalnız Marselodan bir titul geri qalır. Peres isə Santyaqo Bernabeu Yestenin rekordunu təzələmək üçün daha bir titul qazanmalıdır. Bu qələbə ilə "Real" 5-ci dəfə klublararası dünya çempionu adını qazanıb. Maraqlıdır ki, "Kral klubu" özünün əzəli rəqibi olan "Barselona"nə bütün göstəricilərdə qabaqlayır. Belə ki, "Barsa" cəmi 3 dəfə klublararası dünya çempionu olub. Xatırladaq ki, Madrid təmsilçisi bu mundialı  2014, 2016, 2017 və 2018-ci ildə udub. Hələ ki, heç bir klub analoji turniri bu qədər uda bilməyib. "Barselona", "Korintians" və "Bavariya" hərəyə 3 dəfə bu uğura imza atıb. "Real" bununla öz tarixində qazandığı titulların sayını 99-a çatdırıb. Bu titulların 68-i, ölkədaxili, 31-i isə beynəlxalq turnirlərdə qazanılıb. Aktivində 98 titulu olan "Barsa"da isə bu nisbət 76:22-dir. 

İNTİQAM Məmmədov