KİKBOKSİNQ

-----------------

Ramal Aslanov : "Mundialda iştirak edən idmançılarımızın hamısından mükafat gözləyirəm"

Noyabrın 20-də Portuqaliyanın paytaxtı Lissabonda kikboksinqin WAKO versiyası  üzrə növbəti dünya çempionatına start veriləcək. Noyabrın 26-dək davam edəcək mundialda Azərbaycan idmançıları da medallar uğrunda mübarizə aparacaqlar. Komanda yola düşməzdən öncə Azərbaycan Kikboksinq Federasiyasının birinci vitse-prezidenti Ramal Aslanovla əlaqə yaratdıq. O, mundiala gedən komandanın vəziyyəti ilə bağlı məlumat verdi. Yığma komandanın heyətinin əsasən gənc və prespektivli idmançılardan təşkil edildiyini deyən Aslanov bunlarla yanaşı heyətdə təcrübəli idmançıların da yer aldığını bildirdi: "Heyətin əsasını Azərbaycan çempionatında uğurla çıxış edərək mükafat qazanan gənc idmançılar təşkil edir. Heyətə cəlb edilən idmançılar hamısı yüksək səviyyədə hazırlıq prosesi keçiblər. Mundiala hazırlıqla bağlı təşkil edilən təlim-məşq toplanışı Qubada və Bakıda olub. Demək olar ki, bu hazırlıq prosesi federasiyanın fəxri prezidenti, Milli Məclisin sədr müavini, MM-nın İdman Komitəsinin sədri cənab Adil Əliyevin və eləcə də federasiyanın prezidenti Orxan Əliyevin nəzarəti altında keçib. Adil müəllim idmançıları hər zaman diqqət mərkəzində saxlayıb və hər hansi bir problemləri olanda onlara dəstək olub. Onu deyə bilərəm ki, idmançılarımızın dünya çempionatında uğurla çıxış etmələri üçün hazırlıq prosesi zamanı  lazım olan hər cür şərait yaradımışdır. İndi isə növbə idmançılarındır. İnanıram ki, idmançılarımız uğurla çıxış edərək etimadı doğruldacaqlar" - deyən Ramal Aslanov onu da qeyd etdi ki, heyətdə yer alan bütün idmançılardan medal gözləyir. Onun sözlərinə görə ən azı 5-6 idmançımız isə ən yüksək nəticə göstərməklə Avropa və dünyanı fəth edəcəklər. 

"Komanda mundiala mənim rəhbərliyim altında gedir. Rəhbər heyətdə federasiyanın baş katibi İlkin Mənsimzadə, baş məşqçi Elşən Əbdürəhmanov, böyük məşqçilər Telman Məhərrəmov, Hikimət Hacıyev, məqçilərədən Eduard Məmmədov və Fuad Zeynalov yer alıb. Bizmlə yanaşı çempionata daha 4 hakimimiz gedir" - deyən vitse-prezident onu da qeyd etdi ki, çempionatın yarımfinal və final döyüşlərini izləməzk üçün Orxan Əliyev özü də Portuqaliyada olacaq. 

İdmançılarımıza uğurlar arzulayırıq!

İNTİQAM Məmmədov