Futbol

--------------

Kriştianu Ronaldo AÇ-2024-ün seçmələrinin bombardiridir

Dünən futbol üzrə Avro-2024-ün seçmələri çərçivəsində bir sıra qruplarda növbəti turun oyunları keçirilib. Turun maraqlı oyunlarından biri Lixtenşteyndə yerli komandayla Portuqaliya arasında baş tutub. Hələ bu turdan da öncə AÇ-2024-ün Almaniyada keçiriləcək final mərhələsinə vəsiqə qazanan Portuqaliya millisi onun üçün formal xarakter daşıyan bu görüşdə də meydanı qalib durumda tərk edib - 2:0. Bununla da Avropanın Braziliyasi adlanan Portuqaliya millisi yer aldiqi J qrupunda keçirdiyi 9 oyunun hamısını qələbə ilə başa vurub. Oyunda diqqət çəkən məqamlardan biri Portuqaliya millisinin kapitanı və forvardi Kriştiano Ronaldonun bu oyunda da qol vuraraq AÇ seçməsinin şəriksiz bombardirinə çevrilməsi olub. O, Portuqaliya millisinin 9 oyunda rəqib qapılarına vurduğu 34 qolun 11-ə imza atıb. Onun ən yaxın təqibçisi isə aktivində 10 rolu olan Romelu Lukakudur (Belçika).

Dünən Avro-2024-ün seçmələri çərçivəsində keçirilən digər oyunlarda aşaqidaki nəticələr qeydə alınıb:

A qrupunda: 

Gürcüstan - Şotlandiya - 2:2;

Kipr - İspaniya - 1:3;

G qrupunda: 

Bolqarıstan - Macarıstan - 2:2;

Montoneqro - Litva - 2:0;

J qrupunda:

Slovakiya - İslandiya - 4:2;

Lüksemburq - Bosniya - 4:1;

Bu gün keçiriləcək oyunlarla Avropadakı ikigünlük futbol bayramına yekun vurulacaq. 

E qrupunda:

Moldova - Albaniya,

Polşa - Çexiya,

C qrupunda: 

İngiltərə - Malta,

İtaliya - Makedoniya.

H qrupunda: 

Qazaxıstan - San Marino,

Finlandiya - Şimali İrlandiya,

Danimarka - Slovakiya.

Qeyd: Avro-2024-ün final mərhələsi iyunun 14-dən iyulun 14- dək Almaniyada keçiriləcək (10 şəhərdə). Sayca 17--ci olan bu çempionatda ev sahibi də daxil olmaqla 24 komanda medallar uğrunda mübarizə aparacaq. 

İNTİQAM Məmmədov