Voleybol

-----------

"Azərreyl" "Avarka"ya uduzaraq Avrokubokla vidalaşıb

Dünən qadın voleybol klublarının mubarizə apardıqi Avrokubok yarışlarının Çellenc (Caqiriş) Kubokunda 1/16 final mərhələnin cavab oyunları keçirilib. Bu turnirdə ölkəmizi təmsil edən "Azərreyl" cavab oyunları çərçivəsində İspaniyanın "Avarka de Menorka" klubunun qonağı olub. Təəssüflər olsun ki, Azərbaycan çempionu bu oyunda qarşıya qoyulan vəzifənin öhdəsindən gələ bilməyib. Belə ki, bir həftə əvvəl Bakıda keçirilən ilk oyunda 3:1 hesabla qalib gələn "Azərreyl" cavab matçında quru hesablı məğlubiyyətlə üzləşib - 3:0 (25:20, 25:23, 25:17).

Bununla da, Azərbaycan çempionu 2023/24-cu illər mövsümündə Avrokubok yarışları ilə vidalaşıb. 

Xatırladaq ki, "Azərreyl" 1/32 finalda Ukrayna təmsilçisi "Balta" klubunu hər iki oyunda 3:0 hesabla məqlibiyyətə uqratmisdi.

Çempionumuz bu mərhələni də keçəcəyi halda 1/8 finalda Fransanın "Nant" klubu ilə qarşılaşacaqdi.

Qeyd edək ki, kişilərin analoji turnirində isə ölkəmizi "Xarı Bülbül" (Şuşa) klubu təmsil edir. Şuşa təmsilçisi noyabrın 21-də saat 19:00-da Bakı Voleybol Mərkəzində Yunanıstanın "Panathinaikos" klubuna qarşı 1/16 finalın ilk matçına çıxacaq. Cavab oyunu isə noyabrın 29-da Qədim Ellada torpağında olacaq.

İNTİQAM Məmmədov