Filarmoniya abonement konsertlərini bərpa edir

Filarmoniyanın noyabr ayında keçiriləcək abonement konsertləri 2022-ci ilin noyabr ayından etibarən, Mədəniyyət Nazirliyinin dəstəyi ilə Filarmoniya tərəfindən təşkil olunan abonement konsertlər yeni mövsümdə noyabr ayının 4-də start götürəcək. Abonement konsertlər 2023-cü ilin noyabr ayında hər həftənin şənbə günləri saat 15:00 - da M.Maqomayev adına Azəbaycan Dövlət Akademik Filarmoniyasının Kamera və Orqan Musiqisi Zalında təşkil olunacaq. 4 noyabr tarixində Kamera və Orqan Musiqisi Zalının səhnəsində Zəfər gününə həsr olunmuş gənc istedadların iştirakı ilə konsert keçiriləcək.

Konsertdə solistlər - Respublika və beynəlxalq müsabiqələr laureatları Uğur Nəbi (piano), Nuray Həsənli (piano), Şəhrud Abbasova (piano), Zəhra Aslanlı (piano), Müzəffər Əliyev (piano), Fərəh Əliyeva (vokal), Nuray Quliyeva (piano), Yasəmən Ümidova (vokal), İbrahim Abbasov (tar), Zəhra Zeynalova (piano), Leyla Əfəndiyeva (piano), Ayan Əskərli (piano), Nurcan Cəfərova (piano), Mansur Şıxəliyev (kamança), Fatimə Süleymanlı (qanun), Xədicə Nəcəfli (piano), Toğrul Şıxəliyev (tar) və Azərbaycan Dövlət Uşaq Filarmoniyasının “Şəms” Uşaq Xoru (bədii rəhbər Dilarə Əliyeva, xormeyster Aysel Mehdizadə) çıxış edəcəklər. Proqramda Azərbaycan, Rus və Qərbi Avropa bəstəkarlarının əsərləri səslənəcək. Noyabrın 11-də Azərbaycan Dövlət Fortepiano Triosunun Azərbaycan və Qərbi Avropa bəstəkarlarının əsərlərindən ibarət konserti keçiriləcək. 18 noyabr tarixində Azərbaycan və xarici bəstəkarların əsərlərindən ibarət Azərbaycan Dövlət Simli Kvartetinin konserti keçiriləcək. Solistlər Azərbaycan Respublikasının Əməkdar artisti Ceyla Seyidova (violin) və Beynəlxalq müsabiqələr laureatı Nazxanım Dadaşova (piano) öz ifalarını musiqisevərlərə təqdim edəcəklər. Noyabrın 25-də son abonement konsertində “Klavesin musiqisi axşamı” keçiriləcək. Xarici bəstəkarların əsərlərindən ibarət konsertdə solistlər - Azərbaycan Respublikasının Əməkdar artisti Xurşid Abdullayeva (klavesin), Beynəlxalq müsabiqələr laureatı Tofiq Zeynalov (kontratenor), Nemət Tanrıverdiyev (trombon) və Ülkər Qüdrətli (fleyta) dinləyicilərə öz ifalarının təqdim edəcəklər.
Qeyd edək ki, konsertlərdə iştirak etmək istəyənlər biletləri şəhərimizin kassalarından və iticket.az saytından əldə edə bilərlər. Bir dəfə alınan
abonement bileti ay ərzində təşkil olunan konsertlər üçün keçərlidir.

AZpress.AZ,Minə Türksoy.