24 iyun 2025
  1. Ana Səhifə
  2. AZpress - ÖZƏL
AZpress - ÖZƏL

Ağcabədidə 27 Sentyabr - Anım Günü qeyd olundu (FOTO=90) -YENİLƏNİB

1 il əvvəl 721

Ağcabədidə 27 Sentyabr - Anım Günü qeyd olundu (FOTO=90) -YENİLƏNİB

Artıq Vətən müharibəsinin başlanmasından 3 il ötür. Prezident İlham Əliyevin 2 dekabr 2020-ci il tarixli Sərəncamına əsasən  27 Sentyabr   Azərbaycanda Anım Günü kimi qeyd olunur. Bu gün münasibətilə ölkəmizin hər yerində  geniş tədbirlər keçirilir,xalqımız Vətən müharibəsi zamanı  ərazi bütövlüyümüz uğrunda canlarından keçmiş əsgər və zabitlərimizi, bütün şəhidlərimizi böyük ehtiramla yad edir.
AZpress.AZ-ın bölgə müxbiri xəbər verir ki, Ağcabədidə də Anım Günü  geniş şəkildə qeyd olunub.  Rayon İcra Hakimiyyətinin başçısı Rafil Hüseynov, RİHB Aparatının əməkdaşları, hüquq-mühafizə orqanlarının rəhbərləri, şəhid ailələri, qazilər, mətbuat nümayəndələri, rayon ictimaiyyətinin iştirakı ilə keçirilən tədbir Muğanlı kəndində, Qəhrəmanlar Parkında başlayıb. Burada şəhidlər abidəsinin önünə tər güllər düzülüb, Dövlət Himni səsləndirilib, şəhidlərimizin ruhuna dualar oxunub. Ağcabədi Rayon İcra Hakimiyyətinin başçısı  çıxış edib.
Muğanlı kəndindən sonra  Hindarx qəsəbəsində də Şəhidlər xiyabanı ziyarət olunub, buradakı xatirə lövhəsinin qarşısına çiçəklər düzülüb, şəhidlərimizin xatirəsi anılıb. Rayon rəhbərinin çıxışından sonra xiyabanda ağacəkmə aksiyası baş tutub.
Anım Gününə həsr olunmuş növbəti tədbir Ağcabədi rayon Qəhrəmanlar Parkında keçirilib. Öncə Azərbaycan Respublikasının Dövlət Himni səsləndirilib. 
Ağcabədi şəhər Cümə məscidinin imam müavini şəhidlərin ruhuna dualar oxuyub. Çıxış edən  Ağcabədi rayon İcra Hakimiyyətinin başçısı Rafil Hüseynov bildirib ki, 2020-ci ilin sentyabrında başlanan Vətən müharibəsində - Azərbaycan Respublikasının suverenliyi və ərazi bütövlüyü uğrunda gedən mübarizədə qəhrəmanlıq göstərən əsgər və zabitlərimiz, arxa cəbhədə çalışan mülki insanlarımız, bütövlükdə xalqımız əzm və iradə, birlik və həmrəylik nümayiş etdirərək, düşmənə sarsıdıcı zərbələr endirib.Bu Zəfəri qazanmaq üçün canından, qanından keçən vətən oğullarını  xalqımız heç vaxt unutmayacaq, onların  xatirələrini hər zaman  əziz tutacaqdır. 
Səfərbərlik və Hərbi Xidmətə Çağırış üzrə Dövlət Xidmətinin Ağcabədi rayon şöbəsinin rəisi, polkovnik-leytenant Qabil Rzayev, şəhid Tariyel Salmanovun atası Allahverdi Salmanov, şəhid Vüsal Şükürovun anası Sevinc Şükürova, “N” saylı hərbi hissənin komandiri polkovnik Şamxal Səlimov, şəhid Taryel Atayevin həyat yoldaşı İlhamə Atayeva çıxış ediblər. 
Sonra şəhid övladları Zəfərimizə həsr olunmuş şeirlər söyləyiblər.
Saat 12 -00-da  bir dəqiqəlik sükut elan olunub, avtomobillər siqnal verib.
Sükut anınından sonra tədbir  şəhid məzarlarının  ziyarət olunması ilə davam edib.
Sonra rayon rəhbərliyi,  şəhidlərin ailəüzvləri, tədbir iştirakçıları  Qəhrəmanlar Parkında  ağacəkmə aksiyasında iştirak ediblər. Vətən müharibəsi və ondan sonra həlak olan Ağcabədi şəhidlərinin sayına uyğun olaraq 51 ədəd ağac əkilib.

 

   

Əlaqəli Xəbərlər

SOSİAL ŞƏBƏKƏLƏRDƏ BİZİ İZLƏYİN

<