Elşad Barat:

İlk dəfədir görürəm ki, icra başçısı şəhid cənazəsinin altına girib, onun mənəvi ağırlığına şərik olub

Bu qədər şəhid vermişik, mən ilk dəfədir görürəm ki, bir rayonun icra başçısı şəhid cənazəsinin altına girib, onun mənəvi ağırlığına şərik olub. Bu, həmin şəhiddir ki, ölümündən öncə doğulduğu kənd yollarının asfalt olmasını istəmişdi və icra başçısı Rafiq Celilov da onun cənazəsi rayona gələnə qədər həmin yolları şəhidin istədiyi kimi çəkdirdi. Ümumiyyətlə, şəhid və şəhid ailələrinə ən böyük diqqət olan rayonlardan biri də Cəlilabaddır. Mənə zənglər gəlir, bu rayonda qazilərin qəbul məsələsi də yoluna düşsə çox yaxşı olar. Çünki bütün qazilərimiz təsadüfən sağ qalmış şəhidlərimizdir.

ŞƏRHLƏRDƏN:

Lale İsmayıl:

Yolların təmir olunması üçün şəhid olmaqmı gərəkir?

O Şəhid balamız məktəbdən evinə qədər palçıqlı yollarda əziyyət çəkəndə görmək lazım idi o işləri. Ki, oğullar döyüşdə məktəbə gedən uşaqların da qayğısı üçün əndişə etməsin.

Şəhid döyüş bölgəsindən kəndə gələnə qədər görülməsi mümkün olan işləri neçə illər uzunu niyə görməyiblər ?

Barı bundan sonra vəzifələrini düzgün şəkildə yerinə yetirsinlər! Çünki o uşaqlardır böyüyüb, bizlər üçün Vətən olanlar.

Ziya Qurbetov:

Rafiq müəllim, sözü ilə əməli bir olan insandır. Onun insani keyfiyyətlərinə aid sübutlar çoxdur. Bu da onlardan birdir. Rafiq Celilov müəllim hər şeydən öncə öz sadəliyi ilə sözün əsl mənasında cəmiyyətə nümunə göstərilə bilən bir insandır. Sadəcə Rafiq müəllimi seyr etmək lazımdır. Onda dediklərimin min qatını görmək olacaq. Şəhid ailələrinə və qazilərə olan diqqət və qayğısından bir yox min kitab yazmaq olar.