Formula 1

-------------------

Karlos Sayns Sinqapur mərhələsinin qalibidir

Ötən həftəsonu Sinqapurda formula 1 üzrə dünya çempionatınin sayca 16-ci olan növbəti Qran-Prisi keçirilib. 20 pilotun mübarizə apardıqi yürüşün qalibi adını "Ferrari" nin pilotu Karlos Sayns qazanıb. O, həm də "The Race" nin versiyasına görə günün ən yaxşı pilotu hesab edilib. Yürüşdə ikinci yeri "Maklaren"in pilotu Lando Norris tutub. İlk üçlüyü isə Esteben Okan ("Alpin" ) tamamlayıb. Yürüşün maraqlı məqamlarından biri, bundan əvvəlki 15 mərhələ yarısının hamısında fəxri kürsüyə qalxan və 10 yarışda isə birinci olan, eləcə də pilotların yarış cədvəlinə liderlik edən Maks Ferstappen ("Red Bull") bu dəfə finisə dördüncü çatıb. Onun komanda yoldaşı, cədvəldə ikinci pillədə yer alan Serxio Peres finis xəttini 22-ci sırada keçib. Ümumiyyətlə, "Red Bull" komandası cari mövsümdə ilk dəfə olaraq yürüşün qalibi ola bilməyib. 7 qat dünya çempionu adını daşıyan Lyuis Hemlton ("Mersedes") finisə yeddinci çatıb. Yarışın daha bir diqqət çəkən məqami Liam Lousun ("Alfa") 8-ci yeri tutmaqla aktivinə ilk iki xalı yazdirmasi olub. 

Pilotların yarış cədvəlinə yenə də Maks Ferstappen (347 xal) liderlik edir. İkinci pillədə Serxio Peresin (223) yer aldığı cədvəldə ilk üçlüyü Lyuis Hemlton (180) tamamlayır. 4-cu yerdə Fernando Alonso ("Aston Martin") qərar tutub. Sinqapur yürüşünün qalibi Karlos Sayns (142) besincidir. Sarl lekeler ("Ferrari") 123 xalla 6-ci, Corc Rossell ("Mersedes") 109 xalla 7-cidir. Aktivində 97 xalı olan Lando Norris ("Maklaren") 8-ci yerdədir. Lans Stroll ("Aston Martin") 47 xalla 9-cu, Pyer Qaşlı ("Alpin") isə 45 xalla 10-cu yeri tutur.

Komandalara gəlincə:

1. Red Bull - 597 xal, 2. Mersedes - 289 xal, 3. Ferrari - 265 xal, 4. Aston Martin - 227 xal, 5. Maklaren - 139 xal, 6. Alpin - 82 xal, 7. Uilyams - 21 xal, 8. Xaas - 12 xal, 9. Alfa Romeo - 10 xal, 10. Alfa Tauri - 5 xal.

İNTİQAM Məmmədov