CÜDO 

----------------

Ölkəmiz ev sahibliyi etdiyi "Böyük Dəbilqə"yə 24 kişi cüdoçuyla qatılacaq 

22-24 sentyabr günlərində Bakıda cüdo üzrə keçiriləcək "Böyük Dəbilqə" turnirində iştirak edəcək kişi cüdoçulardan ibarət yığmamızın heyəti elan edilib. Azərbaycan Cüdo Federasiyasından verilən məlumata görə, Milli Gimnastika Arenasında keçirilməsi dəqiqləşən və ölkəmizin ev sahibliyi edəcəyi bu turnirdə 8 qadın cüdoçu ilə yanaşı, 24 kişi cüdoçumuz medallar uğrunda mübarizə aparacaq. Məşqçilər korpusunun müəyyənləşdirdiyi 24 nəfərlik heyətdə aşağıdakı tatami ustaları cəmləşib: 

Balabəy Ağayev Nazir Talıbov, Rövşən Əliyev, Əhməd Yusifov (hamısı 60 kq), Yaşar Nəcəfov, Kamran Süleymanov, Ruslan Paşayev (hamısı 66 kq), Hidayət Heydərov, Rəşid Məmmədəliyev, Nurlan Osmanov, Telman Vəliyev (hamısı 73 kq). Zəlim Tskayev, Məhərrəm İmamverdiyev, Məmmədrza Hacızadə (hamısı 81 kq), Murad Fətiyev, Elcan Hacıyev, Musa Hüseynli, Əjdər Bağırov (hamısı 90 kq), Zəlim Kotsayev, Ruslan Nəsirli (hər ikisi 100 kq). Uşanqi Kokuari, Camal Qamzatxanov, İmran Yusifov və Ramazan Əhmədov (hamısı +100 kq).

Təəssüflər olsun ki, yığmanın aktivlərindən sayılan Turan Bayramov (60 kq) və Səid Mollai (81 kq) zədə üzündən sözügedən turnirə qatıla bilməyəcək.

Bu cütlüklə yanaşı, yaxın günlərdə karyerasını bitirən tatami ustalarımız - Orxan Səfərov (66 kq), Rüstəm Orucov (73 kq), Məmmədəli Mehtiyev (90 kq) və Elmar  Qasımov (100 kq)da heyətdə yer almayıb. 

Turnir həm də reytin xarakterli olduğu üçün uğur qazanan cüdoçularımızın reytinq cədvəlindəki mövqeləri müsbət istiqamətdə dəyişəcək. 

İNTİQAM Məmmədov