CÜDO

------------------------

Cüdo komandamız dünya çempionu olmaqla tarix yazıb

Xorvatiyanın paytaxtı Zaqrebdə yeniyetmə cüdoçular arasında keçirilən və Azərbaycan yığmasının da iştirak etdiyi dünya komanda yarışları ilə birinciyinə hekun vurulub. Birincilik ümumilikdə Azərbaycan komandası üçün uğurlu olub. Qeyd edək ki, fərdi yarışlarda uğur qazanan Azərbaycan cüdoçuları komanda yarışında hesabında da fərqləniblər. Maraqlıdır ki, fərdi yarışları 8 (2-3-3) medalla bitirən Azıərbaycan cüdoçuları komanda hesabında birinci yeri tutublar. Bu medallardan 7-si (1-3-3) oğlanların, qızıl əyarlı bir medal isə qızların aktivinə yazılıb.

Qazanılan medallara gəlincə, bütün görüşlərini qələbə ilə bitirən Nihad Məmişovla (50 kq) Xədicə Qadaşova (52 kq) dünya çempionu olaraq,  mundialın qızıl medalını qazanıb. Yalnız həlledici finalda öz komanda yoldaşı Nihad Məmişova uduzan Maqomed Məmişov (50 kq), 60 kq-da güləşən Maqomed Musayev və 66 kq çəkidə tatamiyə çıxan Abil Yusubov ikinci yeri tutmaqla gümüş medalla kifayətlənib. Mirxaliq İsgəndərov (55 kq), Süleyman Şükürov (73 kq) və Ramazan Əhmədov (+90 kqn) isə üçüncü yeri tutmaqla bürünc medala layiq görülüb. Maraqlıdır ki, 7 çəki dərəcəsində çıxış edən cüdoçularımız 6 çəkidə fərqləniblər. 

Onu da qeyd edək ki, cüdo üzrə yeniyetmələrdən ibarət Azərbaycan komandası tarixində ilk dəfə dünya çempionatında birinci olub. 

İNTİQAM Məmmədov