VOLEYBOL. Avro-2023

----------------------------------

Qadın voleybol yığmamız AÇ-ya qələbə ilə başlayıb məğlubiyyətlə davam edir

Avqustun 15-də Belçika. Almaniya, İtaliya və Estoniyada qadın voleybolçular arasında startı verilən və Azərbaycam yəğmasının da qatıldığı Avropa çempionatı davam edir. Qeyd edək ki, Çexiya. Almaniya, Türkiyə, Yunanıstan və İsveçlə birlikdə çempionatın C qrupunda yer alan Azərbaycan yığması artıq 3 oyununu keçirib. Almaniyanın Düsseldorf şəhərində baş tutan qrup oyunları çərçivəsində baş tutan bu oyunların birində qalib gələn yığmamız ikisində isə məğlubiyyətdən yaxa qurtara bilməyib. Startda Çexiyanı 3:0  (25:21, 25:10, 25:15) hesabı ilə məğlub edən yığmamız təəssüflər olsun ki, sonrakı bu iki oyunda bu uğuru təkrarlaya bilməyib. İkinci turda ev sahibi Almaniya ilə qarşılaşmada yığnmamız özünü ha toparlasa da, alman maçınını dayandıra bilmədi. Almanlardan yalnız bir set qopara bilən Azərbaycan yığması meydanı 1:3 (13:25, 22:25, 25:12, 14:25) hesablı məğlub durumda tərk edib.

Baş məşqçisi türkiyəli mütəxəssis Ataman Gileyligil olan Azərbaycan 3-cü turda isə Türkiyə millisi ilə qarşlaşıb. Təəssüflər olsun ki, yığmamız Türkiyənin ay-ulduzlu komandası ilə ümumiyyətlə bacarmayıb. Hər setdə rəqibdən yalnız 13 xal qopara bilən yığmamız bu oyunda quru hesablı məğlubiyyətlə üzləşib - 0:3 (13:25, 13:25, 13:25).

Bu gün yığmamız istirahət edir. Buna baxmayaraq. qrupda iki oyun keçiriləcək. Çexiya Türkiyə ilə, Almaniya isə İsveçlə üzləşəcək. Yığmamız sabah 4-cü tur çərçivəsində Yunanıstan millisi ilə qarşılaşacaq. Ertəsi gün isə İsveçə qarşı oyunla qrupda son matçına çıxacaq. Reqlamentə görə, qruplarda 1-4-cü yerləri tutan komandalar növbəti mərhələyə adlayacaq.

Hazırda Azərbaycanın yer aldığı C qrupunda vəziyyət belədir:  Тürkiyə (2 oyun) – 6 xal (set fərqi 6-0), Almaniya  (2) – 6 (6-1), Çexiya (2) – 3 (3-3), Аzərbaycan (3) – 3 (4-6), Yunanıstan (3) – 3 (3-7), İsveç (2) – 0 (1-6). 

İNTİQAM Məmmədov