BƏYBALA MİRZƏYEV:

"Gələcəm..."
XAÇ atanın (Xaçaturyanın) xam xəyalları... 

Vaxtilə Xocalıda millətimizə qarşı törətdiyi vəhşiliklərə görə indi Bakıda həbsdə olan 68 yaşlı erməni qatil Vaqif Xaçaturyan bu gün Beynəlxalq Qırmızı XAÇ Cəmiyyətinin xətti ilə qızı Vera`ya məktub göndərib. Qoca qatil məktubda qızına yazıb ki, "yaxşıyam, səni düşünürəm, salamat qal, gələcəm”. 
Bu məktubdan cuşa gələn Vera Xaçaturyan erməni mediasına açıqlama verib və deyib ki, “biz atamı geri qaytarmaq üçün mümkün qədər mübarizə aparırıq". 
Amma əsl həqiqətdə isə Vera özünü aldadır. Elə atası da onu aldadır. Çünki 29 iyul 2023-cü il tarixində Beynəlxalq Qızıl Xaç Komitəsinin (BQXK) maşınında "xəstə" adıyla Ermənistana qaçmaq istəyərkən Laçın sərhəd buraxılış məntəqəsində sərhədçilərimiz tərəfindən həbs edilən Vaqif Xaçaturyan sıradan bir erməni deyil ki, biz onu belə asanlıqla buraxaq. 
Belə yırtıcılara, giyenlərə əfv yoxdur!
Vaqif Xaçaturyan xalqımızın qanına susayan ən qəddar ermənilərdən biri olub. O, bir qrup erməni hərbi birləşmələrinin tərkibində 1991-ci ilin 22 dekabr tarixində Xocalı rayonunun Meşəli kəndində azərbaycanlılara qarşı kütləvi qırğın törədib. Qırğın zamanı, 25 nəfər azərbaycanlı öldürülüb, 14 nəfər yaralanıb, 358 nəfər azərbaycanlı isə didərgin salınıb. 
Və qeyd edilən bu kütləvi qırğın aktı ilə əlaqədar aparılan cinayət işi üzrə Xaçaturyan Vaqif Çerkezoviçin Azərbaycan Respublikası Cinayət Məcəlləsinin 103 (soyqırımı) və 107-ci (əhalini deportasiya etmə və ya məcburi köçürmə) maddələrilə təqsirləndirilən şəxs qismində məsuliyyətə cəlb olunması barədə qərar qəbul edilib, ona məhkəmənin qərarı ilə həbs qətimkan tədbiri seçilib.
Odur ki, nə qatil ata, nədəki onun azərbaycanlılara qarşı nifrət ruhunda böyütdüyü qızı xam xəyallarla yaşamasın. 
Heç bir ölkə bu cür amansız hərbi caniləri yedirib, içirib, başını sığallayıb bağışlamır. Yəhudiləri kütləvi qırğına məruz qoyan alman-faşist generallarının İsrail dövləti tərəfindən necə məhv edilməsi bu gün hamının hörmət hissilə xatırladığı bir faktdır. Bu bizim üçün də müsbət örnəkdir. Biz də bütün erməni faşistlərini Ədalət Məhkəməsinin önünə çıxarmalı, layiqli cəzalarını verməliyik. Onlar bilməlidir ki, soyqırımları cəzasız qalmır. Əgər bunu etməsək, gələcəkdə növbəti Xocalı soyqırımları da baş verəcək. 
P.S. Beynəlxalq Qırmızı XAÇ-lılar Cəmiyyəti isə Xaçaturyanlar arasında poçtalyonluq etmək əvəzinə, Vaqif Xaçaturyanın vaxtilə xüsusi amansızlıqla qətlə yetirdiyi azərbaycanlı alilələrinin varislərini axtarıb tapsın, onlardan əfv diləsin.