Nəcəf Novruzov:

Olimpiya idman komplekslərinin rəhbərləri ilə görüş keçirilib

Avqustun 2-də gənclər və idman naziri Fərid Qayıbov nazirliyin strukturuna daxil olan regional gənclər və idman idarələrinin, rayonlar üzrə gənclər və idman sektorlarının, olimpiya idman komplekslərinin, eləcə də digər idman qurğularının, uşaq-gənclər idman məktəblərinin (UGİM) və Gənclər Evlərinin rəhbərləri ilə görüşüb.

Yeni strukturun geniş tərkibdə keçirilən ilk görüşündə hər iki sahə üzrə fəaliyyət istiqamətlərinin təkmilləşdirilməsi, qarşıda duran məsələlərin həlli, perspektiv planlar müzakirə edilib.

Görüşdə bildirilib ki, paytaxt və bölgələrdə gənclər və idman sahəsində kütləviliyin artırılması, həyata keçirilən tədbir və layihələrin effektiv icrası, idman qurğularının və UGİM-lərin fəaliyyətinin daha səmərəli təşkil edilməsi qarşıda duran əsas məqsədlərdəndir. Bunun üçün də onların bir-biri ilə əlaqəli fəaliyyəti təmin edilməli, planlı iş prinsipi diqqət mərkəzində saxlanılmalıdır.

Tədbirdə regionlarda gənclər və idman siyasətinin icrası, aktivliyin artırılması üçün vacib addımlar və digər məsələlər birgə müzakirə olunub. Həmçinin nazirliyin strukturunda olan komplekslərin, UGİM-lərin vəziyyəti, Gənclər Evlərinin rəhbərlərinin təklifləri də müzakirə edilib. Diqqətə çatdırılan məsələləri dinləyən nazir Fərid Qayıbov bu sahədə müvafiq tövsiyələr verib.

Görüşdə nazir müavini Mariana Vasileva və nazirliyin digər məsul şəxsləri iştirak ediblər.