Elçin Səlimov:

KÜRÜN AQİBƏTİ

Nəzərə alsaq ki, KÜR çayı ölkəmizin ərazisinə daxil olana qədər bir-neçə ölkənin ərazisindən keçib gəlir, məsələnin nə qədər ciddi olduğunu anlamış olarıq.Türkiyədən başlayıb, oranı keçərək Gürcüstana daxil olan çayın ölkəmizə çatana qədər yolda onun başlna gətirilən oyunları yazıq çayın bir özü bilir, bir də onu edənlər bilir.Onlardan bir-neçəsini sadalayım siz də şahid olun.
       İstər Türkiyə ərazisində Kürün üzərində qurulan SES-lər (yəni Su Elektrik Stansiyaları),salınan bəndlər və su anbarları,həmçinin SES-lər və salınan çoxlu sayda Aqro Parkları onu deməyə əsas verir ki, bu problem hələ uzun müddət davam edəcəkdir.Əgər kənd təsərrüfatı üçün ayrılan və suvarılan torpaqların becərilməsi üçün çəkilən qolları da buraya əlavə etsək, onda bu problemin daha da qabarıq olduğunu görmüş olarıq.Hələ düşmənlərimiz olan İran və Ermənistanın da bu məsələdə müstəsna xidmətləri olmamış deyildir.
    Hələ qardaş Türkiyə KÜR çayı üzərində daha bir bənd salmaq istəyir.Əgər o bənd salınarsa çayın səviyyəsinin daha da aşağı düşəcəyi hamıya bəllidir.Onsuz da çay artıq qurumaq üzrədir.Bir su anbarının doldurulması üçün nə qədər vaxt lazımdır.
       Qonşu Gürcüstanda da vəziyyət heç də yaxşı deyil.Saldıqları çoxlu sayda aqro parklar bu çayın suyu ilə suvarılır.Onlar artıq çayın suyundan nə vaxtdır ki, texniniki su kimi istifadə etmək qərarına gəliblər.Çünki çayda suyun çirklənmə faizi çox yüksəkdir.Bunun məsuliyyəti isə o adlarını çəkdiyim iki bədnam ölkələrin üzərinə düşür.Belə ağır və fəlakətli problemlərdən sonra nəhayət ki, çay gəlib ölkəmizin ərazisinə daxil olur.
        Burada da vəziyyət heç də ürək açan deyil və daha ağırdır.Çünki bizim ölkədə də SES-lər, ES-lər və su anbarları tikilib, xalqımıza, sənayemizə,kənd təsərrüfatına və s.xidmət edir.
İmkanlı məmurlarımızın əkdirdikləri saysız-hesabsız əkin sahələri və digər obyeklər də məhz çayın suyundan istifadə etməklə araya-ərsəyə gəlirlər.Özü də necə gəldi israf edirlər.Demək olar ki, bu gün ölkəmizdə texniki su anlayışı yoxdur.İri və xırda sahibkarlarımız özləri üçün müxtəlif istehsal sahələri açmış, müxtəlif sexlər yaratmışlar.Belə yerlərin sayı demək olar ki, minlərlədir.Hamısı da Kürün suyundan istifadə edirlər.Avtomobil yuma sexləri və məntəqələri minlərlədir, onları yumaq üçün də Kür suyundan istifadə olunur.Deməli burada da çayın suyu texniki su kimi işlədilir.
Mən hələ iri müəssisələri demirəm.Bu müəssisələrdə də çayın suyundan geninə-boluna istifadə olunur.İsrafçılığı görürsünüzmü?.Elə bu sadaladıqlarımın nəticəsidir ki, camaatın əkin-biçini su üzünə həsrət qalıb və yanıb gedir.Çox dözülməz bir vəziyyətdir və belə gedərsə fəlakətlə qarşılaşmağımız qaçılmazdır.
         Nə isə...Bu barədə daha geniş yazmaq olar və düşünürəm ki,ciddi qərarlar verib tədbirlər görməyin vaxtı artıq çoxdam çatmışdır.Özü də çox ciddi və köklü qərarlar.Və mən bu yazım ilə heç də demək istəmirəm ki,yuxarıda adlarını  çəkdiyim qardaş və dost ölkələr bu məsələdə maraqlıdırlar.Onu demək istəyirəm ki, bu problem artıq tək bizim  üçün deyil, həm də onlar üçündür.Demək istəyirəm ki, bu məsələdə birlikdə hərəkət etməyin vaxtı artıq çatmışdır.Onlarda bizimlə əl-ələ verib bu problemin həlli üçün var gücləri ilə çalışmalıdırlar.Yalnız belə olan surətdə bu problemin həlli öz yolunu tapar və axır ki, insanlar sevinmiş olarlar.
       Vaxtınızı aldımsa üzr istəyirəm.
       Dərin hörmətlə:      E.S.
              28.07.2023.