ŞAHMAT

---------------------------

Bakıda şahmatçıların Dünya Kubolu keçirilir

Bakıda kişi və qadınlar arasında şahmat üzrə Dünya Kuboku yarışı keçirilir. Xəbər verdiyimiz kimi, mükafat fondu 2,5 milyon avro təşkil edən vı iddiaçılar turnirinə seçmə xarakteri dasşıyan bu turnirdə Azərbaycanın 18 zəka sahibi də daxil olmaqla 309 (206 kişi, 103 qadın) şahmatçı mübarizəyə qatılıb. Reqlamentə görə kişilər mübarizəyə 1/128 mərhələdən, qadınlarsa 1\64 mərhələdən qatılıblar. Qeyd edək ki, 29-30 iyul günlərində hər iki cinsdən olan şahmatşılar birinci mərhələnin oyunlarını (ağ və qara fiqurlarla) keçiriçlər. İki oyunun ümumi nəticəsinə görə qalib gələn şahmatçılar mərhələni adlayıblar. Qalibi aşkar olmayan cütlər isə bu gün mübarizəni tay-brekdə davam etdirəcəklər. 

Yeri gəlmişkən, şahmatçılarımızdan Qədir Hüseynov, Rauf Məmmədov, Nicat Abbasov, Vasif Durarbəyli, Ülviyyə Fətəliyeva, Gülnar Məmmədova və Gövhər Beydullayeva iki oyunun nəticəsinə əsasən birinci mərhələni uğurla başa vuraraq, adlarını növbəti mərhələyə yazıblar. Daha 5 təmsilçimiz - Abdulla Qədimbəyli, Eltac Səfərli, Vüqar Əsədli, Aydın Süleymanov və Misrəttdin İsgəndərov isə növbəti mərhələyə adlamaq üçün bu gün tay-brekdə qalib gəlməyə çalışacaq. Əks hakda isə turnirlə erkən vidalaşmaq məcburiyyətində qalacaq. Həmyerlimizdən Maqomed Muradlı və Xanım Balacayeva isə ilk iki oyunun nəticəsinə görə məğlub olub və mübarizəni erkən dayandırıb. 

Sabah kişilərdə 1\164, qadınlarda isə 1/32 final oyunlarına start veriləcək. Bu mərhələdə daha üç şahmatçımız - Şəhriyar Məmmədyarov, Teymur Rəcəbov və Günay Məmmədzadə də mübarizəyə qatılacaq. Turnirin reytinq favoriti norveçli son dünya çempionu Maqnus Karlsendir. 

İNTİQAM Məmmədov