ŞAHMAT

----------------------------

Bakıda startı veriləcək şahmat üzrə Dünya Kubolunun aşılış mərasimi və eləcə də bununla bağlı bu gün Konqres Mərkəzində mətbuat konfransı keçirilib. Bu tədbirdə Azərbaycan Respublikasının Gənclər və İdman naziri Fərid Qayıbov, Beynəlxalq Şahmat Federasiyasının (FIDE) prezidenti Arkadi Dvorkoviç, Azərbaycan Şahmat Federasiyasının prezidenti, FIDE-nin vitse-prezidenti Mahir Məmmədov, digər yerli federasiyaların rəsmiləri, şahmatçılar və qonaqlar iştirak ediblər. Elə həmin tədbirdə Azərbaycanda şahmatın inkişafı və təbliğatından bəhs edən videoçarx nümayiş etdirilib. Daha sonra isə çıxışlar olub. 

GİN rəhbəri Fərid Qayıbov yubiley - 10-cu Dünya Kubokunun Bakıda təşkilinin təsadüf olmadığını qeyd edib. Nazir Ümummilli Lider Heydər Əliyevin 100 illik yubileyi ilə bağlı Azərbaycanda cari ilin (2023-cü il) "Heydər Əliyev ili" elan olunduğunu vurğulayıb və bi idman növünün ölkəmizdə çox sevilən növ olduğunu bildirib. Fərid Qayıbov bu məsələdə dövlətin qayğısını xüsusi olaraq dilə gətirib və sonda iştirakçılara uğurlar arzulayayıb.

Nazirin ardından Mahir Məmmədov və FİDE prezidenti Arkadi Dvorkoviç çıxış edib. Çıxışlar bitdikdən sonra sabah startı veriləcək Dünya Kubokunun püşkü atılıb və ilk turda üz-üzə gələcək şahmatçılar müəyyənləşib.

Qeyd edək ki, iyulun 30-da start götürəcək yarışda 80-dən çox ölkədən 206 kişi və 103 qadın şahmatçı mübarizə aparacaq. Görüşlər “Bulvar Marriot” otelində oynanılacaq. Yarışlar hər gün saat 15-00-da başlayacaq.Turniə ev sahibliyi edən Azərbaycan yarışa 18 şahmatçı ilə qatılacaq.

Qeyd edək ki, mükafat fondu 2,5 milyon avro təşkil edən yarışın reqlamentinə görə finalşılar (1-ci və 2-ci yerin sahibləri) Dünya Şahmat Tacı uğrunda keçiriləcək iddiaçılar turnirinə vəsiqə qazanmış olacaqlar. 

İNTİQAM Məmmədov  

Bakıda şahmat üzrə Dünya Kubokunun aşılış mərasimi keçirilib