“Qadınlara qarşı zorakılıq ailəni və ailə dəyərlərini sarsıdır”

layihəsi üzrə Ağstafa rayonunda regional təlimlər davam edir

Beynəlxalq Hüquq Assosiasiyası İctimai Birliyi, Demokratik İslahatlar və Hüquq İctimai Birliyi, Azərbaycan Maarifçi Gənclər Təşkilatı İctimai Birliyi, Turizmin İnkişafına Kömək İctimai Birliyindən ibarət koalisiya Azərbaycan Respublikasının Qeyri-Hökumət Təşkilatlarına Dövlət Dəstəyi Agentliyinin maliyyə yardımı ilə “Qadınlara qarşı zorakılıq ailəni və ailə dəyərlərini sarsıdır” layihəsi üzrə Ağstafa rayonunda regional təlimləri davam etdirir. Ağstafa rayonunda növbəti təlim 24 iyul 2023-cü il tarixdə Ağstafa rayonu  Köçəsgər kəndi H.Əlizadə adına 1№li tam orta məktəbində keçirildi.
Təlimə Ağstafa rayonu Köçəsgər kəndi 1 və 2 saylı məktəblərin, Köçəsgər kəndi 2 saylı uşaq baxçasının, Köçəsgər kənd icra nümayəndəliyinin əməkdaşları və Köçəsgər kəndinin sakinləri dəvət olunmuşdur. 
Təlimdə məişət zorakılığının yalnız fiziki zorakılıqla məhdudlaşmaması, onun psixoloji, iqtisadi və cinsi zorakılıq kimi növlərinin də ağır nəticələrə səbəb olması, bu zorakılığı doğuran səbəblər, bu səbəblərin zorakılığa məruz qalan qadınların davranışı və digər xüsusiyyətləri ilə bağlı olmaması, qadınların işləməyə qoyulmamasının, onların ünsiyyətlərinə məhdudiyyətlərin qoyulmasının, qadınların kişilərə nusbətən daha az ağıllı olması və ümumiyyətlə ağlının olmaması barədə fikirlərin məişət zorakılığı olması, erkən nikahlar, erkən nikahların mənfi nəticələri, erkən nikahlarla, ümumiyyətlə məişət zorakılığı ilə bağlı bu zorakılıq hallarının qarşısının alınması və təqsirkarların cəzalandırılması barədə qanunvericiliyin müddəaları, qadınlara qarşı məişət zorakılığı hallarında konfidensiallıq, qadınların müraciətlərinə mütləq baxılması, məişət zorakılığı ilə mübarizədə icmanın və dövlət orqanlarının rolu və vəzifələri, zorakılıq hallarında müraciət imkanları və prosedurları məsələləri müzakirə edilmiş və fikir mübadiləsi aparılmışdır.   
Təlimin iştirakçılarına qadınlara qarşı zorakılıq hallarının müəyyən edilməsi, əlamətləri və digər məsələləri əhatə edən “Qadınlara qarşı zorakılıq ailəni və ailə dəyərlərini sarsıdır” adlı kitabça  və bukletlər paylanıldı. Təlimin iştirakçıların xırda hədiyyələr şarflar və yaylıqlar paylanılmış, müzakirələr çay süfrəsi arxasında davam etdirildi. Təlimin sonunda iştirakçıların konfidensial müraciətləri üzrə məsləhətlər verildi.
            Təlimdə Ağstafa rayon İcra Hakimiyyətinin İctimai-siyasi və humanitar məsələlər şöbəsinin baş məsləhətçi Hamil Həsənov, Ağstafa rayonu  Köçəsgər kəndi H.Əlizadə adına 1№li tam orta məktəbin direktoru Gülnarə Musayeva, Ağstafa rayonu Köçəsgər kənd icra nümayəndəliyinin əməkdaşı Əliyev Zaur Qabil oğlu iştirak etdilər.

Layihənin rəhbəri  Mərhəmət Əsgərova