Masallıda ”Sağlam həyat tərzi və fiziki aktivlik” mövzusunda tədbirlər

Azərbaycan Respublikası Prezidenti cənab İlham Əliyev 22 iyul 2022-ci il tarixdə “2022-2026-cı illərdə sosial iqtisadi inkişaf strategiyası”nın təsdiq edilməsi haqqında 3378 nömrəli Sərəncam imzalamışdır. Həmin Strategiyanın 3.3.7.1-ci (Respublikanın ali və orta təhsil müəssisələrində tələbə, şagird və müəllim heyəti üçün sağlam həyat tərzi barədə müxtəlif informativ maarifləndirici resursların yaradılması), 3.3.7.2-ci (Sağlam həyat tərzi və davranış risk amilləri barədə maarifləndirici materialların (videoçarxlar, bukletlər, plakatlar və s.) hazırlanması və aidiyyətı üzrə paylanması, aidiyyatı mobil tətbiqlərin istifadəyə verilməsi)), 3.3.7.3-cü (Əhalinin müxtəlif təbəqələri, o cümlədən işləyən əhali üçün fiziki aktivliyə dair maarifləndirici materialların (bukletlər, plakatlar, kitabçalar, sosial çarxlar və s.) hazırlanması və paylanması (o cümlədən ilkin səhiyyə xidməti göstərən müəssisələr, KİV və sosial şəbəkələr vasitəsilə))  bəndlərinin icrası ilə bağlı Masallı Rayon İcra Hakimiyyəti və Lənkəran-Astara Regional Təhsil İdarəsinin Masallı Təhsil Sektorunun,  Lənkəran-Astara Regional Gənclər və İdman İdarəsinin Masallı Rayonu üzrə Gənclər və İdman Sektorunun birgə təşkilatçılığı ilə R.Cəfərov adına Masallı şəhər 6 saylı tam orta məktəbdə şagirdlərlə ”Sağlam həyat tərzi” mövzusunda tədbir keçirilib, məktəblilərə maarifləndirici materiallar paylanıb.

Eləcə də Masallı şəhər ərazisində sadalanan mövzulara dair hazırlanmış maarifləndirici materiallar əhaliyə təqdim olunub, sakinlərlə maarifləndirici söhbətlər aparılıb.

Akif AĞAYEV