Basketbol. 3X3. DQS

---------------------------------

Millimiz DQS-nın 11-ci mərhələsinə məğlubiyyətlə başlayıb

Bu gün Kosovonun Priştine şəhərində 3X3 basketbolu üzrə Dünya Qadın Seriyasının sayca 11-ci olan növbəti mərhələ yarıçına start verilib Mərhələ yarışında ölkəmiz həm "Neftçi" basketbol klubu, həm də yığma komandayla təmsil olunur. Qeyd edək ki, heyətində Sali Əl-Xuri. Tatyana Deniskina. Ləman İbrahimova və Mersedes Uolkerin yer aldığı Azərbaycann yığması turnirin B qrupunda ABŞ  millisinə və Macarıstanın "Dyor" klubuna rəqib olub. Heyəti Erika Karter, Briana Freyzer, Aleksandra Mollenxauer və Dina Ulyanovdan ibarət olan "Neftçi" klubu isə D qrupunda ev sahibi Kosovo və Hollandiya millisi ilə birlikdə mübarizə aparacaq. Yığmamızı artıq ilk görüşünü ABŞ-a qarşı keçirib və məğlubiyyətlə üzləşib - 3622. 

Yığmanın və Neftçi"nin iştirakı ilə keçirilcəck qrup oyunlarının təqvimi belədir: 

21:35 Hollandiya - "Neftçi"

23:25 "Dyor" - Azərbaycan

00:45 "Neftçi" - Kosovo. 

Digər qruplara gəlincə,, A qrupunda Fransa, Macarıstan və İzrail, C qrupunda "Dyusseldorf" (Almaniya), Litva millisi və eləcə də Ukrayna, Türkiyə və Latviya triovunun yer aldığı təsnifat qrupunun qalibi olan komanda mübarizə aparacaq. 

Reqlamentə uyğun olaraq, qruplarda ilk iki yeri tutan komandalar pley-offa keçərək 1\4 finaldan mübarizəni davam etdirəcəklər. 

Xatırladaq ki, DQS-nın Şuşa və İzrail mərhələsini udan "Neftçi" klubu hazırda 333 xalla yarış cədvəlində 3-cü, aktivində 108 xalı olan Azərbaycan millisi isə 21-ci pillədədir. 

İNTİQAM Məmmədov