“Qadınlara qarşı zorakılıq ailəni və ailə dəyərlərini sarsıdır” layihəsi

üzrə növbəti regional təlim  11 iyul 2023-cü il tarixdə Tovuz  rayonunda keçirilmişdir. 

Beynəlxalq Hüquq Assosiasiyası İctimai Birliyi, Demokratik İslahatlar və Hüquq İctimai Birliyi, Azərbaycan Maarifçi Gənclər Təşkilatı İctimai Birliyi, Turizmin İnkişafına Kömək İctimai Birliyindən ibarət koalisiya Azərbaycan Respublikasının Qeyri-Hökumət Təşkilatlarına Dövlət Dəstəyi Agentliyinin maliyyə yardımı ilə “Qadınlara qarşı zorakılıq ailəni və ailə dəyərlərini sarsıdır” layihəsi üzrə növbəti regional təlim  11 iyul 2023-cü il tarixdə Tovuz  rayonunda keçirilmişdir. 
Təlimdə Tovuz rayonu Abulbəyli, Bozalqanlı, Dondar. Aşağı Öysüzlü, Xatınlı kəndlərindən olan müxtəlif yaşda qadınlar və kişilər, Muzeyin əməkdaşlarıi iştirak etmişlər. Təlimdə həmçinin Tovuz Aşıq sənəti Dövlət Muzeyinin direktoru Şəmşəd Məmmədov, Tovuz rayon Yusif Sadıqov adına Bozalqanlı kənd tam orta məktəbinin direktoru Nüsrət Quliyev, din xadimi Üzeyir Bayramov iştirak etmişlər. Təlimi h.e.d., professor Mətanət Əsgərova aparmışdır. Təlimdə qadınlara qarşı məişət zorakılığın növləri və  tipləri, fiziki, psixi, seksual zorakılıq, iqtisadi zorakılıq və qadının ehtiyaclarına etinasızlıq, erkən nikahlar, məcburi nikahlar, qeydə alınmamış nikahlar, könüllü erkən nikahlar, islamda qadına münasibət, qadınların evə qapadılması, onların təhsil və işləmək hüquqlarından məhrum edilməsi, qadınların hərəkət azadlığı, kişinin icazəsi olmadan qadının küçəyə çıxması, kişilərin "üstünlüyü" (derece), qohumlar arasında nikahlar; təqib, cinsi qısnama;  məişət zorakılığının qurbanlarının müdafiəsi, qadınlara qarşı zorakılığa görə məsuliyyət, qurbanların müdafiəsi, qadınlara qarşı zorakılıq halında  atılacaq addımlar barədə, məişət zorakılığının qurbanlarının müdafiəsi zamanı konfidensiallıq məsələlərinə riayət edilməsi və onun konkret proseduru izah edilmişdir. Məişət zorakılığı hallarında  müraciət ünvanları və onların imkanları barədə məlumatlar verilmişdir. Bozalqanlı kənd tam orta məktəbinin direktoru Nüsrət Quliyev orta məktəblərdə rast gəlinən erkən nikahlar və digər məişət zorakılığı halları  və  bu hallarla mübarizə barədə fikirlərini bölüşmüşdür. Din xadimi Üzeyir Bayramov İislamda qadına qarşı zorakılığın, məişət zorakılığın qadağan edilməsi məsələlərinə toxunmuşdur. Təlimin iştirakçılarına  qadınlara qarşı zorakılıq hallarınını müəyyən edilməsi, əlamətləri və digər məsələləri əhatə edən “Qadınlara qarşı zorakılıq ailəni və ailə dəyərlərini sarsıdır” adlı kitabça  və bukletlər paylanılmışdır. Təlimin iştirakçıların xırda hədiyyələr şarflar və yaylıqlar paylanılmışdır. 

Layihənin rəhbəri  Mərhəmət Əsgərova