FUTBOL

----------------------------

Barsa internetdə katalan dilini təbliğ etməyə kömək edəcək

Klub məsələ ilə məşğul olan bir fondun ortağı olub

Barselona internetdə katalan dilinin təbliği təşəbbüsündə iştirak edəcək.

Bazar ertəsi Barselona Katalan dilini və mədəniyyətini onlayn təbliğ edən Fundació.cat Fondu ilə müqavilə imzaladı. Klub fondla birlikdə internetdə katalan dilinin təbliği və qorunması layihələri üzərində işləyəcək. Barselona və Fundació.cat arasında əməkdaşlıq axtarış sistemlərində katalan dilinin mövqeyini bərpa etmək məqsədi daşıyır. Qeyd olunur ki, Katalan dilində və .cat domeni olan veb-səhifələr son aylarda axtarış sistemlərində digər dillərdə eyni məzmunun xeyrinə nəticələr çıxararkən mövqelərini itirir. Bu vəziyyət hətta brauzerdə katalan dilinin prioritet olaraq təyin edildiyi zaman da müşahidə olunur. Bildirilir ki, Katalan və digər dillərdə məzmunu olan saytlar üçün axtarış sistemlərinin trafiki əsasında həyata keçirilməsi planlaşdırılan Fundació.cat araşdırmasına Barselona maliyyə dəstəyi verəcək. Tədqiqatdan sonra mövcud vəziyyətlə bağlı hesabat hazırlanacaq, bunun əsasında rəqəmsal mühitdə katalon dilinin təbliği üçün layihələr daha da inkişaf etdiriləcək.