ŞAHMAT

------------------------------

Azərbaycanlı şahmatçıların DK-da ilk rəqibləri bəlli olub

Ölkəmiz ev sahibliyi edəcəyi DK-ya 17 şahmatçıyla qatılacaq 

Beynəlxalq Şahmat Federasiyası (FİDE) iyulun 30-da paytaxt Bakıda startı veriləcək şahmat üzrə Dünya Kubokunun püşkatma mərasimin keçirib. Qeyd edək ki, Bakının ev sahibliyi edəcəyi və Dünya Şahmat Tacı uğrunda keçiriləcək iddiaşılar turnirinə seçmə xarakteri daşıyan bu turnirdə ölkəmiz 5-i qadın olmaqla 17 şahmatçı ilə təmsil olunacaq. Şahmatçılarımızdan üçü - Teymur Rəcəbov, Şəhriyar Məmmədyarov və Gülnar Məmmədzadə mübarizyə ikinci mərhələdən qatılacaq. Qalan şahmatçılarımız isə ilk mərhələdən yarışa qatılacaqlar. Artıq onların ilk qarşılaşacaqları rəqiblər də bəllidir. DK-nın ilk mərhələsindən mübarizəyə qatılacaq Azərbaycan təmsilçilrəninin iştirakı ilə aşağıdakı qarşılaşmalar olacaq: 

Qədir Hüseynov - Rupeş Yasvan (Nepal); 

Rauf Məmmədov, - Juo Lim (Malayziya);

Nicat Abbasov - Makoto Rodvell (Zimbabve); 

Vasif Durarbəyli - Leonel Fiquredo (Meksika);

Eltac Səfərli - Roberto Sançes (Panama); 

Abdulla Qədimbəyli - Şəmsiddin Vohidov (Özbəkistan); 

Aydın Süleymanlı - Yunqlyun Syu (Çin);

Maqomed Muradlı - Bardiya Daneşvar (Hindistan);

Misrətdin İsgəndərov - Bobbi Çenq (Avstraliya);

Vüqar Əsədli - Min Le (Byetnam);

Ülviyyə Fətəliyeva - Vyanla Punsalan (Yeni Zelandiya); 

Xanım Balacayeva - Qyanyin Qonq (Sinqapur);

Gülnar Məmmədova - Ti Nquen (Vyetnam); 

Gövhər Beydullayeva - Marina Qayçin (Serbiya). 

Qeyd: Hər mərhələdə cütlər 3 gün qarşılaşacaqlar. Bir oyun ağ, ikinci oyun isə qara fiqurlarla olacaq. İki oyunda qalib aşkar edilmədikdə, 3-cü gün tay-brek olacaq. DK-da ilk iki yerin sahibi (finalçılar) iddiaçılar turnirin\ə vəsiqə qazanacaqlar. 

İNTİQAM Məmmədov