BASKETBOL. 3X3. AK

--------------------------------

Azərbaycan yığmaları Avropa Kubokuna qələbəylə başlayıb

Bu gün Kiprin Limasol şəhərində 3X3 basketbolu üzrə startı verilən və həm kişilər, h\əm də qadınlar arasında keçirilən Avropa Kubokunun seçmə qrup mərhələsi davam edir. Qeyd edək ki, heyəti Amil Həmzəyev, Zaur Paşayev, Cəbrayıl Əkbərov, və Endar Poladxanlıdan ibarət olan kişi komandamız A qrupunda Malta, Lüksemburq və Kipr millisi ilə birlikdə yer alıb. Heyəti Tatyana Deniskina. Dina Ulyanova, Mersedes Uolker və Aleksandra Mellenxauerdən ibarət olan qadın yığmamıza gəlincə, komandamız Malta və İrlandiya millisi ilə A qrupunda yer alıb. Kişi komandamıza Aleksandr Valxoviç, qadınlara isə Ratomira Deliç rəhbərlik edir. Artıq hər iki komandamız yarış cədvəli üzrə iki görüş keçirib. Qadın yığmamız hər iki matçını qələbə ilə başa vurduğu halda, kişi komandamız  iki oyundan birini udub, digərini isə uduzub. Qadın yığmamız qrup lideri kimi növbəti mərhələyə adlayıb. Kişilərdən ibarət yığmamızın növb\əti mərhələyə adlaması isə sabah Lüksemburqa qarış keçirəcəyi oyunun nəticəsindən asılı olacaq. 

Yığmalarımızın iştirakı ilə keçirilən qrup oyunlarının cədvəli belədir:

17 iyun:

10:30 Qadınlar.  А qrupu. Аzərbaycan - Malta - 17:15; 

17:40. Qadınlar: Azərbaycan - İrlqandiya - 15:10; 

10:55 Kişilər: А qrupu. Аzərbaycan - Malta - 20:14 

16:50. Kişilər. A qrupu. Azərbaycan - Kipr - 11-22; 

18 iyun:

12:45 Kişilər: A qrupu. Azərbaycan - Lüksemburq.

Qeyd edək ki, həm kişilərin, həm də qadınların yarışında birinci yeri tutan komanda Avropa Kubokunun 5-7 sentyabr günlərində Yerusəlimdə (İzrail) keçiriləcək final mərhələsində vəsiqə qazanmış olacaq. 

İNTİQAM Məmmədov