TAEKVONDO
-----------------------------
Bakı mundialının 3-cü günü də bizlər üçün fiaskoyla başa çatdı
Əliyev-Süleymanov-Abakarova triosu da mübarizıəni erkən dayandırdı
Bakıdakı "Krystal Holl"da böyüklər (kişi və qadın) arasında taekvondo üzrə keçirilən 26-cı dünya çempionatı davam edir. Mundialın ilk 3 günü geridə qalsa da, ev sahibi olan Azərbaycan yığması hələ də medal hesabını aça bilməyib. Əvvəlki iki gündə olduğu kimi mundialın 3-cü günü də dayanq üzərinə çıxan tekvondoçularımız - Ələsgər Əliyev (80 kq), Taleh Süleymanov (87 kq) və Patimat Abakarova (49 kq) triosu heç nə ilə yadda qalmayıb. 1\16 final mərhələsindən mübarizəyə qatılan təmsilçilərimiz ilk döyüşlərini qələbə ilə bitirib yerli azarkeşləri ümidləndirsələr də, növbəti 1\8 final döyüşlərində fiskoya uğrayıblar.
Komandanın liderlərindən hesab edilən Ələsgər Əliyev ilk döyüşündə seneqallı Ababakar Sumareni məğlub etdikdən sonra ardından kolumbiyalı Miqel Treyosa uduzaraq (1\8 finalda) mübarizəni erkən dayandırmaq məğburiyyətində qalıb.
Günün "qəhrəmanlarından" biri olan Taleh Süleymanov da Ələsgər Əliyevlə oxşar tale yaşayıb. İlk döyüşündə belçikalı Manuel Polleni üstələyərək 1\8 finala yüksələn Süleymanov burada ABŞ təmsilçisi Maykl Rodriqeslə bacarmayıb.
Günün daha bir döyüşçüsü - zərif cinsdən olan Patimat Abakarova da mundialda uzağa gedə bilməyib. Komanda yoldaşları Əliyev və Süleymanov kimi o da ev sahibi olduğumuz mundialda cəmi iki dəfə dayanqa çıxa bilib. Birinci döyüşdə yaponiyalı Çinı Marakamini udaraq, hamıda inam hissi oyadan Patimat ikinci görüşündə (1\8 final) qazaxıstanlı rəqibi Botaqez Kapanovayla bacarmayıb. Və bununla, o da yaranmış medal ümidini vaxtından əvvəl dəfn edib.
Beləliklə, yarışların ilk 3 günündə mundiala ev sahibliyi edən Azərbaycan yığmasının 6 üzvü mübarizəni erkən dayandırmaqla dayanqla əliboş vidalaşıb.
Sabah isə çəkisi 63 kq olan kişilər və +73 kq-da qadınlar mübarizəyə qatılacaqlar. Azərbaycan 63 kq-da Xanoğlan Kərimovla təmsil olunacaq. O, 1\64 final mərhələsində portuqaliyalı Alfredo Martinslə qarşılaşacaq.
İNTİQAM Məmmədov
03 Comments
High Life tempor retro Truffaut. Tofu mixtape twee, assumenda quinoa flexitarian aesthetic artisan vinyl pug. Chambray et Carles Thundercats cardigan actually, magna bicycle rights.
Farm-to-table selfies labore, leggings cupidatat sunt taxidermy umami fanny pack typewriter hoodie art party voluptate cardigan banjo.
VHS Wes Anderson Banksy food truck vero. Farm-to-table selfies labore, leggings cupidatat sunt taxidermy umami fanny pack typewriter hoodie art party voluptate cardigan banjo.