CÜDO

-----------------------------

Avstriya Qran-Prisində medal qazanan cüdoçularımız reytinq mövqelərini yaxşılaşdııblar

Finalda büdrəyən Məmmədəliyev 74, Süleymanovsa 33 pillə irəliləyib

Avstriyanın Lintse şəhərində kişi və qadın cüdoçular arasındda keçirilən reytinq xarakterli Qran-Pridən sonra Beynəlxalq Cüdo İttifaqı (İJF) tatami ustalarının yeni reytinq cədvəlini elan edib. Qeyd edək ki, həmnin yarışda medal qazanan Azərbaycan cüdoçuları reytinq cədvəlindəki mövqelərini xeyli yaxşılaşdırıblar. Yalnız həlledici finalda büdrəyən Rəşad Məmmədəliyev (73 kq) birdənbirə 74 pillə irəliləyərək Top-100-ə daxil olmaqla 70-ci olub. Həmin turnirdə eyni nəticə göstərən Kamran Süleymanov (66 kq) isə 33 pillə yüksələrək 39-cu olub. Daha bir medalçıçmız, Qran-Pridə 3-cü yeri tutan Gültac Məmmədəliyeva (52 kq) isə 5 pillə irəliləməklə 24-cü yerə qalxıb. 

Digər cüdoçularımız gəlincə, Hidayət Heydərovla (73 kq) Zəlim Kotsayev (100 kq) əvvəlki kimi yenə də öz çəkilərində ikincidir. 81 kq-da tatamiyə çıxan Səid Mollai və 60 kq-da güləşən Balabəy Ağayev də əvvəlki mövqelərini qoruyub saxlayıb. Mollai yenə də 3-cü, Ağayevsə 4-cü pillədə yer alıb. Yığmanın veteranlarından hesab edilən Məmmədəli Mehdiyev (90 kq) yeni cədvəldə də Top-10-u tamamladığı halda, Orxan Səfərovla (66 kq) Uşanqi Kokuari (+100 kq) 11-ci yerdə qərarlaşıb. 

İNTİQAM Məmmədov