TAEKVONDO

--------------------------------------

Dr.Çunqvo Ço: "Dünya Taekvondo Federasiyasının ana xətti dünyada sülh və dostluq üzərində qurulub"

Mayın 29-dan iyunun 4-dək Paytaxt Bakıdakı "Krystal Hall" Arenada kişi və qadınlar arasında taekvondo üzrə keçiriləcək dünya çempionatı ilə bağlı bu gün adıçəkilən məkanda mətbuat konfransı keçirildi. Konfransda Dünya Taekvondo Federasiyasın prezidenti Dr. Çunqvon Ço, qurumun baş katibi Jeonekanq Ceo, Gənclər İdman Nazirinin müavini Mariya Vasilyeva. Azərbaycan Taekvondo Federasiyasının vitse-prezidenti Nağı Səfərov, ölkə yığmasının üzvlərindən Fəridə Əzizova və Ələsgər Əliyev iştirak etdi. 

İlk olaraq soz alan Çunqvon Ço toplantı iştirakçılarını salamladıqdan sonra paytaxt Bakıda taekvondo üzrə bir sıra yarışların keçirldiyini və yüksək səviyyədə təşkil edildiyini qeyd etdi. "Azərbaycan artıq dünya Taekvonda ailəsinin etibarlı və güvənli bir üzvüdür. İndəyə qədər Bakıda müxtəlif səviyyəli turnirlər keçirilib. İndisə burada dünya çempionatı keçiriləcək. Bu mundial iki mühüm və əlamətdar hadisə ilə, həm Dünya Taekvondo Federasiyasının 50 illik yubileyinə, həm də Azərbaycan Respublikasının müstəqillik günüylə eyni vaxta təsadüf edir. Düzdür, Azərbaycanın müstəqilliyinin tarixi daha çoxdur. Taekvando bir idman növüdür və biz dünyada sülhə töhvə verməyə çalışırıq. Bizim qurum hazırda 3 qaçqın komandanı himayəyə götürüb və onların beynəlxalq yarışlara qatılması üçün yollar arayıb tapır və iştirakını təmin edir" - deyən beynəlxalq federasiyanın şefi rəhbərlik etdiyi qurumun hətta valideynsiz uşaqlara da köməklik etdiyini dilə gətirdi. 2004-cü ildən Bakıya gəlib getdiyini vurğulayan Dr. Çonqvon Ço həm ölkəmizin inkişaf etdiyin və həm də burada taekvondo idman növünə dövlət və hökumət tərəfindən dəstək verildiyini bəyan etdi. "Azərbaycan bu günədək taekvondo üzrə müxtəlif beynəlxalq yarışlara ev sahibliyi edib. İndi isə daha böyuk turnirə - dünya çempionatına ev sahibliyi edəcək. İnanıram ki, bu yarış da gözlənilən səviyyədə keçiriləcək. Çünki mundiala hazırlıq özü yüksək səviyyədə təşkil edilib" - deyən federasiya prezidenti bu dünya çempiontının 70 beynəlxalq dərəcəli hakim tərəfindən idarə olunacağını və onlardan isə 50-nin 2024-cü ildə Parisdə (Fransa) keçiriləcək Olimpiada-2024-ə təyinat alacağını bildirdi. Sonda isə o, mundiala Rusiya və Belarusdan olan idmançıların da qatılacağını qeyd etdi: "Rusiya Ukraynaya hərbi təcavüz etdiyinə görə Beynəlxalq Olimpiya Komitəsi bu ölkənin, eləcə də Rusiyaya bu müharibədə dəstək olan Belarusiya ismançılarına beynəlxalq yarışlara qatılmağı qadağa etmişdi. Lakin bu ilin yanvarından etibarən o ölkələrin idmançılarına da yarışlara qatılmaq icazəsi verildi. Lakin həmin ölkənin deyil, başqa bayraqlar altında. Ona görə də Rusiya və Belrus idmançıları bizim qurumun bayrağı altında qaçqın komanda kimi çıxış edəcək. Rusiya bu yarışa 14, Belarus isə 9 idmançıyla qatılacaq. Ümimiyyətlə, bizim qurumun 3 qaçqın komandası var". 

"Azərbaycan belə mətəbər yarışlara ev sahibliyi etməkdə etibarlı tərəfdaşdır" - deyən Ço həm Azərbaycanı belə yarışlara təşkilatçılıq etməsi üçün əlverişli bir ölkə adlandırdı və mundialın keçiriləcəy məkanın - "Krystal Hall" Arenanın taekvondo yarışları üçün əla imkana malik olduğunu bildirdi.  

Ardından söz alan Gənclər və İdman Nazirinin müavini Mariya Vasilyeva paytaxt Bakının belə bir mötəbər yarışa ev sahibliyi etdiyi üçün qurur duyduğunu bildirdi. "Burada planetin 144 plkəsindən olan komandalarla yanaşı daha bir qaçqın komandası da təmsil olunur. Umumilikdə dünya çempionatında 949 dayanq ustası mübarizə aparacq. Beynəlxalq Federasiyanın başçısı Çonqvon Çonun qeyd etdiyi kimi, bu çempionat iki əlamətdar hadisə ilə üst-üstə düşür. Burada federasiaynın 50 illik yubileyi və Azərbaycan Respublikasının müstəqillik günü qeyd ediləcək" - nazir müavini belə dedi. 

Azərbaycan Taekvondo Federasiyasının vitse-prezidenti Nağı Səfərov ölkəmizdə taekvondo idman növünün və ümumilikdə idmanın hər zaman dövlət tərəfindən dəstəkləndiyi üçün ölkə başçısı İlham Əliyevə təşəkkür etdi. "Əlbəttə ki, Azərbaycan Taekvondo Federasiyasına dövlət dəstəyi olmasa biz belə bir yaışa ev sahibliyi edə bilməzdik. Bu çempionat məndən öncə çıxış edən yoldaşların qeyd etdiyi ki, iki əlamətdar hadisə ilə eyni vaxta dəsadüf edir" - deyən vitse-prezident eyni zamanda bu il Ulu Öndər Hüydər Əliyevin 100 ilik yubileinn də bu ərəfədə qeyd edildiyini bildirdi. 

Daha sonra Azərbaycan yığmasının tanınmış idmançılarından Fəridə Əzizova və Ələsgər Əliyev də mundialla bağlı fikirlərini söylədilər. "Dünya çempionatının Azərbaycanda keçirilməsi biz idmançılar üçün çox xoşdur. Biz çempionata ev sahibliyi edirik. Odur ki, bütün məsuliyyətimizlə çalışacağıq ki, Azərbaycan xalqına çoxlu sevinc bəxş edək. Ölkəmizə bi idman növündə ilk qızıl medalı Niyaməddin Paşayev gətirib. Bundan sonra başqalaraı da qızıl qazanıblar. Biz bu ənənəni doğma divarlar arasında davam etdirməyə və yerli azarkeşlərimizi sevindirməyə çalışacağıq" - Fəridə Əzizova belə dedi.

İNTİQAM Məmmədov